ធ្លាប់ជាតារា TikTok ដើរឡាយឱ្យគេ ១ម៉ោងៗបានរាប់រយ ឥឡូវធ្លាក់ខ្លួនដើរសំពះសុំលុយគេទិញបាយហូប ដោយសារតែ

លោក សុខា ជាតារា TikTok ដ៏ល្បីឈ្មោះម្នាក់ ដែលធ្លាប់ទទួលបានការចាប់អារម្មណ៍ខ្លាំងពីសំណាក់មហាជនអ្នកនិយមលេងបណ្ដាញសង្គម ទាំង TikTok និង ហ្វេសប៊ុក។

ខណៈពេលដែលល្បីល្បាញ មហាជនចាប់អារម្មណ៍ច្រើននោះ តារា TikTok រូបនេះ ត្រូវបានគេហៅទៅឡាយវីដេអូ ផ្សព្វផ្សាយផលិតផល និង ហាងលក់ម្ហូបអាហារផ្សេងៗជាច្រើនជាបន្តបន្ទាប់ ដែលទទួលបានតម្លៃខ្លួនរាប់រាយដុល្លារផងដែរ។

យ៉ាងណាមិញ ស្រាប់តែមួយរយៈក្រោយ ប្រជាប្រិយភាពរបស់ តារា TikTok រូបនេះ ហាក់ស្ងប់ស្ងាត់ទៅវិញ ដោយមានធ្លាយការរិះគន់មួយចំនួនពីម្ចាស់ផលិតផល ដែលបានហៅលោកទៅឡាយវីដេអូនោះ ទម្លាយថាលោក មានចរិកឫកពារ ក្រអើតក្រទម ដែលធ្វើឱ្យម្ចាស់ផលិតផល និង ហាងមួយចំនួន មិនចូលចិត្ត ឈប់ហៅទៅឡាយទៀត។

ម្យ៉ាងវិញទៀត បន្ទាប់ពីនោះ គេសង្កេតឃើញតារា TikTok រូបនេះ ធ្លាក់ខ្លួនពីតារាល្បី ទៅធ្វើជាកម្មករសំណង់ ជួបទុកលំបាក ខ្វះខាតថវិកាផ្គត់ផ្គង់ជីវភាពប្រចាំថ្ងៃ ប៉ុន្តែក៏បានឃើញមានអ្នកជួយឧបត្ថម្ភដល់រូបគេជាបន្តបន្ទាប់ផងដែរ។

ដោយឡែកថ្មីៗនេះ កាន់តែធ្វើឱ្យមហាជនខ្លោចចិត្តអាសូរដល់ តារា TikTok រូបនេះខ្លាំង ក្រោយពីឃើញលោកធ្លាក់ខ្លួនលែងមានការងារធ្វើដើរហើរគ្មានទិសតំបន់ គ្មានកន្លែងជ្រកកោន រហូតដើរសំពះសុំលុយគេ៕