សមាគមចិញ្ចឹមត្រី ប្រកាសថ្កោលទោសលោក ខាន់ សុវណ្ណ ដែលដៀមដាម ជេរប្រទេច ពលរដ្ឋខ្មែរមិនចេះចិញ្ចឹមត្រី

ភ្នំពេញ៖ ក្រោយពីបុគ្គល ខាន់ សុវណ្ណ បាននិយាយថា៖ «បើយើងដេញយួនឡើងគោក ខ្មែរយើងមុខជាច្បាស់អស់ត្រីស៊ីហើយ បើរាល់ថ្ងៃយួនអ្នកចិញ្ចឹម» នៅខណៈពេលនេះដែរក្នុងតំណាងឲ្យអ្នកចិញ្ចឹមត្រី សមាគមវារីវប្បករនៅកម្ពុជា បានសម្រេចប្រកាសថ្កោលទោសចំពោះបុគ្គលខាន់ សុវណ្ណ។

យោងតាមសេចក្តីថ្លែងការណ៍ របស់សមាគមវារីវប្បករនៅកម្ពុជា នាថ្ងៃទី១៤ មិថុនាបានឲ្យដឹងថា “សូមថ្កោលទោសយ៉ាងដាច់អហង្ការចំពោះភាសា និងសម្តីបែបប្រមាថមើលងាយ ដល់ជាតិសាសន៍ខ្មែរ ជាសម្តីរើសអើង ជាការនិយាយអត់មានមូលដ្ឋានច្បាស់លាស់ អត់មានការទទួលខុសត្រូវ មិនមានព័ត៌មានឲ្យគ្រប់ជ្រុងជ្រោយ និងមានចរឹកគួរឲ្យខ្ពើមរអើមបំផុត” ។