ទីបំផុត Namcha ត្រូវមិត្តប្រុសស្រលាញ់គ្នាមកជាង ២ឆ្នាំ សុំរៀបការយ៉ាងរ៉ូមែនទិក!
ថៃ៖ តារាសម្ដែងថៃដ៏មានប្រជាប្រិយភាព កញ្ញា Namcha បានធ្វើឲ្យមហាជនគ្រប់គ្នា លួចច្រណែនមិនតិចនោះទេ ក្រោយពេលនាងត្រូវគូស្នេហ៍ ដែលស្រលាញ់គ្នាមកជាង ២ឆ្នាំ បានសុំរូបនាងរៀបការ យ៉ាងផ្អែមល្ហែមបែបនេះ។
ជាក់ស្ដែង កាលពីម្សិលមិញនេះដែរ នៅក្នុងដំណើរកម្សាន្តដ៏រីករាយមួយក្នុងប្រទេស ឯតំបន់សមុទ្រ កំលោះរូបសង្ហាហាយសូរ ដែលត្រូវបានគេស្គាល់ថា ជាមិត្តប្រុសរបស់តារាស្រី Namcha បានលុតជង្គង់សុំរូបនាងរៀបការ ក្រោមបរិយាកាសដ៏សែនរ៉ូមែនទិក ដែលជាការរួមដៃរៀបចំគម្រោង ដោយមិត្តសម្លាញ់របស់នាងជាច្រើននាក់ផងដែរ។
ជាមួយគ្នានេះដែរ ក៏ឃើញថា មានអ្នកនិយមលេងបណ្ដាញសង្គម ក៏ដូចជាបណ្ដាអ្នកគាំទ្រតារាស្រីរូបនេះជាច្រើន បានផ្ញើជាសារអបអរសាទរដល់អ្នកទាំងពីរ ហើយជាពិសេស ពួកគេក៏នឹងត្រៀមទន្ទឹងរង់ចាំថ្ងៃពិសេសរបស់តារាស្រីរូបនេះ និងមិត្តប្រុស ដែលនឹងមកដល់នាពេលឆាប់ៗខាងមុខនេះផងដែរ៕
