វៀតណាម U23 និង មីយ៉ាន់ម៉ា U23 ណាត់គ្នាមិត្តភាព ត្រៀម SEA Games ២០១៩

សហព័ន្ធបាល់ទាត់វៀតណាម បានចេញសេចក្តីប្រកាសឲ្យដឹងថា បានទាក់ទងទៅសហព័ន្ធបាល់ទាត់មីយ៉ាន់ម៉ា ដើម្បីប្រកួតមិត្តភាពរវាង U23 ក្រុមទាំងទ្វេ សមជើងត្រៀមលក្ខណៈក្នុងព្រឹត្តិការណ៍ SEA Games លើកទី៣០ នៅប្រទេសហ្វីលីពីន ចុងឆ្នាំនេះ។

ការប្រកួតមិត្តភាពរវាងក្រុមជម្រើសជាតិវៀតណាម U23 នឹងបើកទ្វារកីឡដ្ឋានកីឡដ្ឋាននៅទីក្រុងហាណូយ នាថ្ងៃទី០៧ ខែមិថុនា ឆ្នាំ២០១៩ ខាងមុខនេះ ទទួលក្រុមជម្រើសជាតិមីយ៉ាន់ម៉ា U23 ។

សម្រាប់ព្រឹត្តិការណ៍ SEA Games លើកទី៣០ ចុងឆ្នាំនេះលើវិញ្ញាសារបាល់ទាត់បុរស ដែលត្រៀមនឹងរៀបចំការចាប់ឆ្នោតចែកពូលនាពេលខាងមុខនេះ ក្រុម U23 ទាំង២ ស្ថិតនៅក្នុង Pot 3 ជាមួយគ្នា ដូច្នេះមានន័យថាក្នុងការចាប់ឆ្នោតចែកពូលខាងមុខ ប្រកាដជាមិនអាចជួបគ្នានោះឡើយ៕

អត្ថបទ៖ គឹមស្រ៊ិន