Ronaldoបានស៊ុតបញ្ចូលទីគ្រាប់ទី៦០០ក្នុងអាជីពក្នុងប្រកួតបង្គ្រប់កិច្ចរបស់ Juventus
Cristiano Ronaldo បានស៊ុតគ្រាប់ទី៦០០ក្នុងអាជីពបាល់ទាត់របស់ខ្លួនកាលពីយប់មិញក្នុងការប្រកួតដែល Juventus ស្មើគ្នា១ទល់នឹង១ជាមួយ Inter Milan។
ក្នុងជំនួបនោះបើទោះជា Juventus ចាញ់ ស្មើ ឬឈ្នះក៏មិនប៉ះពាល់ដល់តារាងពិន្ទុដែរ ព្រោះក្រុមនេះបានក្លាយជាម្ចាស់ពានក្របខ័ណ្ឌ Serie A រួចបាត់ទៅហើយ។ Ronaldo ស៊ុត២៧គ្រាប់ឲ្យ Juventus, ៥គ្រាប់ឲ្យ Sporting Lisbon, ១១៨ឲ្យ United និង៤៥០គ្រាប់ឲ្យ Real Madrid។
គ្រាប់បាល់របស់ខ្សែប្រយុទ្ធវ័យ៣៤ឆ្នាំរូបនេះកើតឡើងនៅថ្ងៃជាមួយគ្នាដែល Lionel Messi ស៊ុតគ្រាប់ទី៥៩៨ឲ្យ Barcelona យកឈ្នះ Levante លើកពាន La Liga៕
អត្ថបទ៖ គឹមស្រ៊ិន
