Pogba ជាប់លេខ១ ជាកីឡាករដើរច្រើនជាងរត់ កំឡុងពេលប្រកួតនៅអង់គ្លេសរដូវកាលនេះ
ខ្សែបម្រើ Paul Pogba ជាកីឡាករចំណាយពេលដើរនៅលើទីលានច្រើនជាងគេក្នុងរដូវកាលនេះ ពោលគឺដើរច្រើនជាងខ្សែបម្រើណាទាំងអស់។
កីឡាករពាក់អាវលេខ៦ របស់ក្រុម Man Utd កំពុងទទួលរងការរិះគន់ខ្លាំងពីសំណាក់អ្នកគាំទ្រ ក្រោយពីរូបគេនិយាយស្ដីមិនល្អ ប៉ះពាល់អារម្មណ៍អ្នកគាំទ្រ និងបង្ហាញទម្រង់លេងអន់ថែមទៀត។ អ្វីដែលកាន់តែធ្វើឱ្យអ្នកគាំទ្រអន់ចិត្តទៀតនោះ គឺរូបគេជាកីឡាករដើរច្រើនជាងគេនៅលើទីលាន ពោលគឺមិនសូវរត់ឡើយ ច្រើនជាងកីឡាករណាទាំងអស់ក្នុងនាមជាខ្សែបម្រើ។
ស្ថិតិបានបង្ហាញថាដើរនៅលើទីលាន ៦៤% ជាស្ថិតិបង្ហាញថារូបគេដើរច្រើនជាងកីឡាករណាទាំងអស់ ក្នុងចំណោមខ្សែបម្រើទាំង៧៩នាក់នៅលីគកំពូលអង់គ្លេសរដូវកាលនេះ។ ស្របពេល Man Utd ចាញ់៥ប្រកួត ក្នុងចំណោម៦ប្រកួតចុងក្រោយនេះ។ តែទោះជាយ៉ាងនេះក្ដី អតីតកីឡាករ Juventus នេះ ក៏នៅតែមានឈ្មោះក្នុងបញ្ជីកីឡាករល្អជាងគេបំផុតទាំង១១នាក់ផងដែរ៕
អត្ថបទ ៖ គឹមស្រ៊ិន
