ក្លឹបកំពូលទាំង៦នៅ Premier League សុទ្ធតែ Messi ស៊ុតចូល តែលើកលែងក្លឹប១ប៉ុណ្ណោះ
ក្រោយបង្ហាញភាពលេចធ្លោជើងទី២ទល់នឹង Manchester United នៃក្របខ័ណ្ឌ Champions League តារាឆ្នើម Messi រកបានគ្រាប់បាល់សរុបចំនួន ២៤ គ្រាប់ហើយទល់នឹងក្លឹបអង់គ្លេស។
/5cc34cbe91379_1556302980_large.jpg)
២ គ្រាប់របស់កីឡាករវ័យ៣១ឆ្នាំស៊ុតទម្លាក់បិសាចក្រហមនៅ Camp Nou គឺជាគ្រាប់ទី១០របស់ Messi ធ្វើឲ្យកីឡាករអាហ្សង់ទីនក្លាយជា top scorer នៅ Champions League រដូវកាលនេះ។
គ្រាប់បាល់បំបែកកំណត់ត្រារបស់ម្ចាស់ពាន Ballon d’Or ៥សម័យកាលលើក្លឹបអង់គ្លេសមាន៖
- ៩ គ្រាប់ ទល់នឹងក្រុម Arsenal
- ៦ គ្រាប់ ទល់នឹងក្រុម Manchester City
- ៤ គ្រាប់ ទល់នឹងក្រុម Manchester United
- ៣ គ្រាប់ ទល់នឹងក្រុម Chelsea
- ២ គ្រាប់ ទល់នឹងក្រុម Tottenham Hotspur
- លើកលែងតែ Liverpool មួយប៉ុណ្ណោះដែល Messi មិនទាន់ស៊ុតចូល។
Barcelona នឹងបើកទ្វារកីឡដ្ឋាន Camp Nou ទទូលភ្ញៀវហង្សក្រហមជើងទី១វគ្គពាក់កណ្ដាលផ្ដាច់ព្រ័ត្រ Champions Leaugeនៅយប់ថ្ងៃទី២ ខែឧសភា ហើយជើងទី២នៅ Anfield នឹងត្រូវធ្វើនៅយប់ថ្ងៃទី ទី៨ ខែឧសភា។
/5cc34cbf3817f_1556302980_large.jpg)
មុនការប្រកួតមកដល់ សូម្បីតែប្រធានក្រុម Virgil van dijk ក៏បានសារភាពថាគ្មានវិធីណាដើម្បីបញ្ឈប់ Messi បានឡើយ។ គេនឹងរង់ចាំមើលថាតើ Messi អាចបំបែកកំណត់ត្រារបស់ខ្លួនស៊ុតបញ្ចូលទីលើក្រុម Liverpool ដែលចុងក្រោយរបស់ក្លឹបកំពូលទាំង៦ នៅ Premier League បានដែរឬអត់៕
អត្ថបទ៖ គឹមស្រ៊ិន
