សម្តេចតេជោ ហ៊ុន សែន អំពាវនាវអោយប្រជាពលរដ្ឋបើសិនគ្មានការចាំបាច់ កុំទាន់ធ្វើដំណើរមករាជធានីភ្នំពេញ

នៅល្ងាចថ្ងៃទី២២ ខែកុម្ភៈ ឆ្នាំ២០២១ សម្តេចតេជោ ហ៊ុន សែន នាយករដ្ឋមន្ត្រីបានបញ្ចេញសារពិសេសមួយទៀតស្តីពីស្ថានភាពជំងឺកូវីដ-១៩ នៅកម្ពុជា ដោយក្នុងនោះដែរសម្តេចបានសម្រេចបញ្ជារអោយបិទសាលាទាំងអស់នៅរាជធានីភ្នំពេញ និងខេត្តកណ្តាល រយៈពេល១៤ថ្ងៃ ចាប់ពីថ្ងៃនេះទៅ។

ឆ្លៀតក្នុងឱកាសនោះដែរ សម្តេចតេជោ ហ៊ុន សែន ក៏បានអំពាវនាវដល់ប្រជាពលរដ្ឋ និងព្រះសង្ឃគ្រប់ព្រះអង្គ មេត្តាពន្យាពេលធ្វើដំណើរចូលមករាជធានីភ្នំពេញ បើគ្មានការចាំបាច់ខ្លាំងនោះទេ ដើម្បីទុកឱកាសអោយរាជធានីភ្នំពេញ ដោះស្រាយបញ្ហានេះ ជៀសវាងបង្កការកកស្ទះចរាចរណ៍ ដែលវាជាមូលហេតុមួយនៃការចម្លងពីគ្នាទៅគ្នាផងដែរ៕