លោកគ្រូMourinho បង្ហើបថាអោយដឹងថា រូបគាត់នឹងត្រឡប់មកទីលានវិញឆាប់ៗ តែមិននៅ Premier League ឡើយ

អតីតអ្នកចាត់ការបាល់ទាត់ ដែលបច្ចុប្បន្នកំពុងទំនេរពីការងារពោលគឺ Jose Mourinho បង្ហើបថា រូបលោកនឹងត្រឡប់មកលើទីលានឈរបញ្ជាកូនក្រុមវិញឆាប់ៗ ខាងមុខនេះ ប៉ុន្តែគោលដៅទ្រនំថ្មីរបស់គាត់នោះ អាចនៅទឹកដីផ្សេងក្រៅពី Premier League ។

ក្នុងកិច្ចសម្ភាសន៍នៅក្នុងកម្មវិធីទូរទស្សន៍ក្នុងប្រទេសព័រទុយហ្គាល់មួយ បុរសវ័យ៥៦ឆ្នាំខាងលើលើកឡើងថា៖

៉ ខ្ញុំធ្លាប់ដឹកនាំនៅអង់គ្លេស ហើយនៅទីនោះគឺជាចំណុចចាប់ផ្តើមរបស់ខ្ញុំកាលពីនៅទីក្រុងឡុងដ៍។ ដូច្នេះហើយ ខ្ញុំគិតថាក្លឹបបន្ទាប់ដែលខ្ញុំចង់ដឹកនាំ គឺមិននៅអង់គ្លេសទៀតឡើយ។ ពានរង្វាន់នៅទីនោះ គឺបានបង្ហាញពីភាពជោគជ័យរបស់ខ្ញុំ ហើយវាត្រូវតែស្ថិតនៅក្នុងការចង់ចាំជានិច្ច ទោះបីជាអ្នកព្យាយាមបំភ្លេចក៏ដោយ។ ពានរង្វាន់ដែលខ្ញុំឈ្នះចុងក្រោយនៅអង់គ្លេសគឺ Europa League ដែលត្រឹមតែ១ឆ្នាំកន្លះមុនប៉ុណ្ណោះ ចំណែកឯ FA Cup គឺជាការប្រកួតវគ្គផ្តាច់ព្រ័ត្ររបស់ខ្ញុំធ្លាប់បានដឹកនាំកាលពី៨ខែមុន តែបុគ្គលខ្លះគិតថារឿងរ៉ាវទាំងនេះកើតឡើងដូជ២០ឆ្នាំមុនអុីចឹង! ពេលនេះខ្ញុំកំពុងគិតអំពីអនាគត។  ៉ 

រម្លឹកក្រោមការដឹកនាំរបស់ Jose Mourinho នៅទឹកដីអង់គ្លេស ជាមួយក្លឹប Chelsea និង Manchester United ធ្លាប់ទទួលបានពានដូចជា លីគកំពូលអង់គ្លេស ៣សម័យកាល, FA Cup ១លើក, EFL Cup ៤លើក, ពានបើករដូវកាល២លើក និង UEFA Europa League ១លើក៕

អត្ថបទ៖ គឹមស្រ៊ិន