Arsenal និង Lyon មានចិត្តដូចគ្នាចាប់អារម្មណ៍លើខ្សែការពារម្នាក់របស់ Man Utd

ក្លឹបអង់គ្លេស Arsenal និងក្លឹបបារាំង Olympique Lyonnais បានកំពុងមានចំណាប់អារម្មណ៍ដូចគ្នា លើខ្សែការពាររបស់ Manchester United នោះគឺ Eric Bailly ។

ខ្សែការពារសញ្ជាតិកូឌីវ័រខាងលើ ត្រូវបានរាយការណ៍ថាមានគម្រោងចាកចេញពី Manchester United ពេលបញ្ចប់រដូវកាលនេះ ក្រោយពីមិនសូវទទួលបានឳកាសពីអ្នកចាត់ការទូទៅ Ole Gunnar Solskjear ។

ភ្លាមៗ ក្រោយពីលេចនូវដំណឹងមួយនេះឡើង មានក្លឹប២ធំៗ បានចាប់អារម្មណ៍ទាក់ទងចង់បានកីឡាករវ័យ២៥ឆ្នាំរូបនេះភ្លែតតែម្តងដោយក្នុងនោះរួមមានគូប្រជែងនៅ Premier League នោះគឺ Arsenal និងក្លឹបបារាំង Lyon ។

បើតាមប្រភពពីប្រធានក្លឹប Lyon បានដាក់តម្លៃខ្លួនចំពោះខ្សែការពាររូបនេះ ប្រមាណ៣៨លានផោន ចំណែកឯខាង Arsenal មិនទាន់ហ៊ានផ្តល់តម្លៃខ្លួននៅឡើយនោះទេ៕

អត្ថបទ៖ គឹមស្រ៊ិន