នៅតែសាហាវ! ព្រឹកនេះអាម៉េរិក រកឃើញអ្នកឆ្លងកូវីដ១៩ ថ្មីជាង ១៥ម៉ឺននាក់ និង២ពាន់នាក់ទៀតស្លាប់

(បរទេស)៖ នាព្រឹកថ្ងៃទី១៦ ខែធ្នូ ឆ្នាំ២០២០នេះ សហរដ្ឋអាម៉េរិក បានរកឃើញករណីឆ្លងថ្មីសរុប ១៥៥,៥២៥នាក់ និងអ្នកជំងឺសរុប ២,២៦២នាក់ បានស្លាប់បើយោងតាមតួលេខស្តីពីចំនួនអ្នកឆ្លង និងស្លាប់ដោយសារវីរុសកូវីដ១៩ ចេញពីគេទំព័រអន្តរជាតិ Worldometer ។
សូមបញ្ជាក់ផងដែររហូតមកដល់ពេលនេះ សហរដ្ឋអាម៉េរិក ឈរនៅកំពូលតារាងនៃចំនួនអ្នកឆ្លងច្រើនជាងគេ ដែលគិតត្រឹមព្រឹកនេះផងដែរ អាម៉េរិកមានមនុស្សសរុប ១៧,០៩៩,៤២៩បានឆ្លង, ជាង៣១ម៉ឺននាក់ស្លាប់។

ប្រទេសឥណ្ឌា ឈរបន្ទាប់ពីអាម៉េរិក ដែលរហូតមកដល់ពេលនេះ ឥណ្ឌារកឃើញអ្នកឆ្លងសរុប ៩,៩៣២,៩០៨នាក់ ក្នុងនោះអ្នកើជំងឺជាង១៤ម៉ឺននាក់ បានស្លាប់ និងជាង៩.៤លាននាក់ទៀត បានជាសះស្បើយ។
ដោយឡែកប្រទេសប្រេស៊ីល ឈរនៅលេខរៀងទី៣ ដែលរហូតមកដល់ពេលនេះ ប្រេស៊ីល រកឃើញអ្នកឆ្លងសរុប ៦,៩៧០,០៣៤នាក់ ក្នុងនោះអ្នកើជំងឺជាង ១៨ម៉ឺននាក់ បានស្លាប់ និង៦លាននាក់ទៀត បានជាសះស្បើយ។

គួរបញ្ជាក់ផងដែរថា គិតត្រឹមម៉ោង ៦ និង៣០នាទីព្រឹក ថ្ងៃទី១៦ ខែធ្នូ ឆ្នាំ២០២០នេះ ចំនួនឆ្លងជំងឺ កូវីដ១៩ នៅទូទាំងពិភពលោក បានកើនឡើងដល់ ៧៣,៧២៨,១៨៣ករណី ហើយក្នុងនោះមនុស្សសរុប ១,៦៣៩,៥៣៥នាក់ស្លាប់ និងជាង ៥០លាននាក់ បានជាសះស្បើយឡើងវិញ។
តាមតួរលេខចេញពី worldometer ខាងលើនោះ បានបញ្ជាក់ថា រហូតមកដល់ពេលនេះ កូវីដ១៩ បានឆ្លងរាតត្បាតចូលដល់ប្រទេស និងឧបទ្វីបចំនួន ២១៥ហើយ៕