ប្រទះឃើញយុទ្ធភ័ណ្ឌមិនទាន់ផ្ទុះជាច្រើនគ្រាប់ នៅស្រុកគាស់ក្រឡ
(បាត់ដំបង)៖ កាលពីថ្ងៃទី២៤ ខែមេសា ឆ្នាំ២០១៩ វេលាម៉ោង ១៧៖១០នាទី ប្រជាពលរដ្ឋបានប្រទះឃើញយុទ្ធភ័ណ្ឌមិនទាន់ផ្ទុះ សរុបចំនួន ១៨គ្រាប់ ក្នុងនោះមាន គ្រាប់ប្រភេទបេ៤០ ចំនួន ១២គ្រាប់ គ្រាប់ប្រភេទ៦០mm ចំនួន ៣គ្រាប់ គ្រាប់៦២ ចំនួន ១គ្រាប់ គ្រាប់M៧៩ ចំនួន ១គ្រាប់ និងគ្រាប់ណាប៉ាល់ ចំនួន ១គ្រាប់ នៅចំណុចប្រឡាយ ភូមិស្ពាន ឃុំគាស់ក្រឡ ។
ក្រោយទទួលបានពត៌មាន កម្លាំងនគរបាលស្រុកគាស់ក្រឡា បានចុះទៅដល់ទីតាំងរួចដាក់សញ្ញា រង់ចាំអង្គភាពកំចាត់មីនស៊ីម៉ាកមកទទួលយក។ កម្លាំងអធិការដ្ឋាននគរបាលស្រុក បានថ្លែងអំណរគុណដល់ប្រជាជនខាងលើ ដែលបានរាយការណ៍ជូនសមត្ថកិច្ចទាន់ពេលវេលា និងបានអំពាវនាវដល់ប្រជាពលរដ្ឋ ដែលរស់នៅក្នុងមូលដ្ឋានទាំងអស់ សូមអោយមានការប្រុងប្រយ័ត្នខ្ពស់នូវយុទ្ធភ័ណ្ឌមិនទាន់ផ្ទុះ រឺអាវុធខូចគុណភាពផ្សេងៗ ត្រូវរាយការណ៍ជាបន្ទាន់ជូនសមត្ថកិច្ច ជៀសវាងការកើតមានគ្រោះថ្នាក់ដោយសារយុទ្ធភ័ណ្ឌ និងអាវុធទាំងនោះជាយថាហេតុ៕
ប្រភពពី៖ ផេកអគ្គស្នងការនគរបាលជាតិ
អត្ថបទ៖ ដារ៉ា
