Liverpool កាន់តែឡើងជើង អាចបំបាក់ Atalanta ៥-០ ធ្វើអោយ Liverpool រកបាន ៣ពិន្ទ

ក្រុមខ្លាំងមកពីអង់គ្លេស Liverpool រកបាន ៣ពិន្ទុបន្ថែមក្នុងការប្រកួតវគ្គសន្សំពិន្ទុលើកទី៣ ក្រោយពីបានបំបាក់ក្រុម Atalanta របស់អ៉ីតាលីក្នុងលទ្ធផល ៥-០ សម្រាប់ជើងទី១ ប្រចាំពូល D ខណៈខ្សែប្រយុទ្ធ Diogo Jota រកបាន ៣គ្រាប់ម្នាក់ឯងនៃយុទ្ធនាការ UEFA Champions League 2020-2021។

កីឡាករខ្សែប្រយុទ្ធចំណូលថ្មី Jota ធ្វើបាន ៣គ្រាប់ (hat-trick) ម្នាក់ឯង គ្រាដែលមិត្តរួមក្រុម Mohamed Salah និង Sadio Mane រកបានម្នាក់ ១គ្រាប់ដែលសុទ្ធសឹងជាខ្សែប្រយុទ្ធជួរមុខរបស់អ្នកចាត់ការទូទៅ Jurgen Klopp ដែលធ្វើឲ្យក្រុមជើងឯករដូវកាល ២០១៨-២០១៩ កំពុងឈរកំពូលតារាងពូល D បណ្តោះអាសន្នដោយប្រកួត បន្ទាប់ត្រូវបើកទ្វារ Anfield ទទួលក្រុម Atalanta វិញម្តង។