បុរសម្នាក់ ជិះម៉ូតូទៅប៉ះនឹងរថយន្តឡិចស៊ីស ខ្ទាតមកប៉ះរថយន្តស៊ាំយ៉ុង បាក់ជើងរបួសធ្ងន់

(ព្រះសីហនុ)​៖ កាលពីវេលាម៉ោង១០៖២៥នាទីព្រឹក ថ្ងៃ២៣ ខែមេសា ឆ្នាំ២០១៩ លើចំណុចផ្លូវជាតិលេខ៤ ចន្លោះគីឡូម៉ែត្រលេខ១៥៩-១៦០ ក្នុងភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តម៉ាក ឡិចស៊ីស RX400h មួយគ្រឿង ម៉ូតូវ៉េវ និងរថយន្តស៊ាំយ៉ុងមួយគ្រឿង បណ្តាលឲ្យបុរសម្នាក់ បាក់ជើងរងរបួសធ្ងន់។

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះកើតឡើងរវាង រថយន្តម៉ាកឡិចស៊ីស RX400h ពាក់ស្លាកលេខ ភ្នំពេញ 2AF-2246 ក្នុងទិសដៅ ពីខេត្តព្រះសីហនុ ទៅភ្នំពេញ (អ្នកបើកបររត់គេចខ្លួន) , ទី២.ម៉ូតូម៉ាកវ៉េវ ពណ៌ខ្មៅ គ្មានស្លាកលេខ អ្នកបើកបរឈ្មោះ ចេង ងុន ភេទប្រុស អាយុ ១៨ឆ្នាំ មុខរបរ កម្មករ ចាក់ផ្លែដូងប្រេង មានទីលំនៅ ភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ (ទិសដៅភ្នំពេញ-ខេត្តព្រះសីហនុ) របួសធ្ងន់បាក់ជើងខាងឆ្វេង និងទី៣ រថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2AV-55 17 អ្នកបើកបរឈ្មោះ គង់ ខ្នា ភេទប្រុស អាយុ២៩ឆ្នាំ មុខរបរបើកបរ មានទីលំនៅ ឃុំប្រាសាទភ្នំខ្យង ស្រុកកំពង់ត្រាច ខេត្តកំពត ។

សមត្ថកិច្ចបញ្ជាក់ថាមកដល់ចំណុចខាងលើ ម៉ូតូបានប៉ះជាមួយរថយន្តឡិចស៊ីស ក្នុងទិសដៅបញ្ច្រាសគ្នា រួចបានខ្ទាត់ទៅប៉ះជាមួយរថយន្តសាំយ៉ុង ក្នុងទិសដៅស្របជាមួយម៉ូតូ។

បច្ចុប្បន្នជនរងគ្រោះជាភាគីខាងម៉ូតូត្រូវបានជួយសង្គ្រោះនាំយកទៅមន្ទីរពេទ្យ ហើយករណីនេះសមត្ថកិច្ចបានបន្តដោះស្រាយតាមនិតិវិធីច្បាប់៕

ដកស្រង់អត្ថបទដោយ​៖ ដារ៉ា