ឥណ្ឌូនេស៊ី កោះហៅយុវជនមកពីលីគកំពូលអេស្ប៉ាញ ចូលរួមហ្វឹកហាត់ត្រៀម AFF U18 ឆ្នាំនេះ

សមាគមន៍បាល់ទាត់ឥណ្ឌូនេស៊ី បានកោះហៅកីឡាករ៤៣រូប ត្រៀមប្រមូលផ្តុំហ្វឹកហាត់ដើម្បីប្រកួតប្រជែងក្នុងព្រឹត្តិការណ៍ AFF U18 Championship ឆ្នាំ២០១៩នេះ ដែលនឹងរៀបចំឡើងនៅប្រទេសវៀតណាម។ ក្នុងនោះផងដែរ គេសង្កេតឃើញយុវជនមួយរូប ត្រូវបានកោះហៅពីថ្នាល់យុវជនរបស់ក្លឹប CD Leganes នៃលីគកំពូលអេស្ប៉ាញផងដែរ ពោលគឺកីឡាករ Khairul Imam Zakiri ។

ព្រឹត្តិការណ៍ AFF U19 Championship ២០១៩ នឹងរៀបចំឡើងនៅប្រទេសវៀតណាម អំឡុងខែសីហា ខាងមុខនេះ ខណៈមានការចូលរួមពីសមាជិកទាំងអស់នៅតំបន់អាស៊ីអាគ្នេយ៍ បូករួមទាំងអូស្ត្រាលីផងដែរ។

ឥណ្ឌូនេស៊ី ស្ថិតនៅក្នុងពូល B ដោយរួមមានជាមួយ មីយ៉ាន់ម៉ា ហ្វីលីពីន ព្រុយណេ ​ឡាវ និងទីម័រខាងកើត។ ដើម្បីត្រៀមព្រឹត្តិការណ៍នេះ ស្ថាប័នកំពូលបាល់ទាត់ឥណ្ឌូនេស៊ី បានធ្វើការកោះហៅកីឡាករក្រោមវ័យ១៨ឆ្នាំដល់ទៅ៤៣រូប ដើម្បីត្រៀមប្រមូលផ្តុំហ្វឹកហាត់ជម្រុះជុំទី១ ខណៈក៏បានកោះហៅខ្សែបម្រើប្រយុទ្ធ Khairul Imam Zakiri ដែលបច្ចុប្បន្នជាយុវជនថ្នាល់របស់ក្លឹប CD Leganes នៃលីគកំពូលអេស្ប៉ាញផងដែរ។

គួរឲ្យដឹងថា កីឡាកររូបនេះ គឺជាកូនកាត់ដែលទទួលបានសញ្ជាតិ២នោះគឺ អេស្ប៉ាញ និងឥណ្ឌូនេស៊ី ប៉ុន្តែរូបគេបានសម្រេចចិត្តចូលរួមជាមួយជម្រើសជាតិឥណ្ឌូនេស៊ីផងដែរ៕

*ខាងក្រោមនេះជាបញ្ជីឈ្មោះកីឡាករទាំង៤៣រូប ត្រៀមប្រមូលផ្តុំហ្វឹកហាត់ជម្រុះជុំទី១៖ 

អ្នកចាំទី៖ Fajar Ali Syahbana, Candra Nur Asrovy, M Syahru Ramadhan, M Adi Satrio

ខ្សែការពារ៖ M Iqbal Pratama, Rizki Ridho Ramdhani, Hais Wenno, Rizki Bayu Alfaritzi, M Sadli Mahendra, Made Tri Somanada, Komang Tri Arta Wiguna, Gede Agus Mahendra, Rachmat, Hidayat, Mohammad Febrian, Vikri Irvanudin, Bayu Muhammad Fikri, I Nyoman Ansanay, Ahmad Figo Ramadani

ខ្សែបម្រើ៖ Arda Alfareza, Beckham Putra Nugraha, Ardi Maulana, Kaka Dwi Guna, Theofillo Numberi, Dyaz Bagus Widyanto, Rifaldo Lestalahu, Ceppy Akhmad Pribadi, Dominico Savio Sheva Marseca, Taufany Muslihudin, Khairul Imam Zakiri, Hendrik Putra Perdana

ខ្សែប្រយុទ្ធ៖ Aslan Weis, Revie Jaya Pratama, Rifqi Adira, Harberd Sokoy, Muhhamad Ibnu Iqbal, Arya Putra Gerryan Senyiur Lawono, Ahmad Hamzah, Miftahul Husyen, Andi Irvan, Adi Samsu, M Rafly Ariyanto, Gugun Sayaiful Rahman, Ferry Setiawan. 

អត្ថបទ៖ គឹមស្រ៊ិន