លោក ចាន់ មករា​ ម្ចាស់ឃ្លាំងលក់រថយន្ត​(CMR)ត្រូវ បានសម្តេច តេជោបង្ហោះ វីដេអូ ពីសកម្មភាព ប្រកបអាជីវកម្ម ទិញ លក់ឡាន ប្រកបដោយការទទួលខុសត្រូវ(មានវីដេអូ)

(ភ្នំពេញ​):ឃ្លាំងទិញលក់រថយន្តរបស់លោក​ ចាន់​ មករា​ ទទួលបានការសរសើរពី​ សម្ដេចតេជោ​ ហ៊ុន​ សែន​ នាយករដ្ឋមន្ត្រីនៃកម្ពុជាថាប្រកបមុខរបរទទួលបានតាមវិជ្ជាជីវៈប្រកបដោយការយកចិត្តទុកដាក់និងការទទួលខុសត្រូវគឺជាការតបស្នងដ៏សំខាន់ដល់សង្គមជាតិដែលកំពុងមានសន្តិភាពនិងការរីកចម្រើន។
សម្ដេចតេជោ​ នាយករដ្ឋមន្ត្រីកម្ពុជា​ បានសរសេរសារនៅលេីផេកហ្វេសប៊ុកអមដោយវីដេអូស្ដីពីការប្រកបអាជីវកម្មរបស់​ លោក​ ចាន់​ មករា​ ថាការប្រកបមុខរបរករបរទទួលខុសត្រូវក៏ដូចជាការបំពេញការងារតាមវិជ្ជាជីវៈរបស់បងប្អូនប្រជាពលរដ្ឋប្រកបដោយការយកចិត្តទុកដាក់និងការទទួលខុសត្រូវគឺជាការតបស្នងដល់សំខាន់ដល់សង្គមជាតិដែលកំពុងមានសង្ឃមានការរីកចម្រើន។

ក្នុងវីដេអូឃ្លីបដែលបង្ហោះលើគេហទំព័រហ្វេសប៊ុករបស់សម្ដេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានោះលោក​ ចាន់​ មករា​ ម្ចាស់ឃ្លាំងលក់រថយន្តបានលើកឡើងថាខ្ញុំជាម្ចាស់ឃ្លាំងទិញលក់រថយន្តក្នុងបទពិសោធន៍លក់រថយន្តច្រេីនឆ្នាំខ្ញុំបានប្រកាន់ខ្ជាប់នូវភាពស្មោះត្រង់លក់រថយន្តដែលមានគុណភាពពិសេសការផ្ដល់ទំនុកចិត្តជូនអតិថិជនគឺជាកត្តាសំខាន់។

លោក​ ចាន់​ មករា​ ម្ចាស់ឃ្លាំងទិញ​ លក់​ រថយន្ត​ (CMR)​ បានបន្ថែមថា​ ម៉ូយកាន់តែឡើងរាល់ឆ្នាំតែមានការណែនាំតៗគ្នាជាហេតុធ្វើឲ្យខ្ញុំកាន់តែសប្បាយចិត្តដើម្បីតបស្នងទៅសង្គមដែលមានស្ថេរភាពសុខសន្តិភាពខ្ញុំនឹងបន្តរក្សានូវគោលជំហរលក់រថយន្តដែលមានគុណភាពស្មោះត្រង់ជានិច្ចពិសេសផ្ដល់ជូនការធានាដែលត្រឹមត្រូវ។
សូមបញ្ជាក់ថាឃ្លាំងទិញលក់រថយន្តមានទីតាំងស្ថិតតាមបណ្ដោយផ្លូវលេខ 230(កោះដូង)​ ចុះពីស្តុបកោសដូងចូលមកប្រហែល 300 ម៉ែត្រ។