សមាគមភស្តុភារកម្មកម្ពុជា បានស្នេីទៅ រដ្ឋលេខាធិការដ្ឋានអាកាសចរសុីវិល សុំឲ្យលេីកលែងនិងពន្យាពេលក្នុងការអនុវត្តការចុះបញ្ជីសុំអជ្ញាប័ណ្ណអាជីវកម្ម

(ភ្នំពេញ ): សមាគមភស្តុភារកម្មកម្ពុជា បានស្នេីទៅរដ្ឋលេខាធិការដ្ឋានអាកាសចរសុីវិល សុំឲ្យលេីកលែងនិងពន្យាពេលក្នុងការអនុវត្តការចុះបញ្ជីសុំអជ្ញាប័ណ្ណអាជីវកម្ម certificate of Aeronautical service Operators-CASO ដោយសារតែ វិបត្តិ ជម្ងឺ កូវីដ១៩។

នៅក្នុងលិខិតនោះផងដែរ សមាគមន៍ភស្ដុភារកម្មកម្ពុជា បានមើលឃើញថាវិបត្តិរលកទី 2 នៃជំងឺកូវី19 នៅតែបន្តរាតត្បាតកាន់តែខ្លាំងឡើងខ្លាំងណាស់ដែលបានធ្វើឲ្យសេដ្ឋកិច្ចសកលលោកព្រមទាំងកម្ពុជាបន្តធ្លាក់ចុះគួរឱ្យព្រួយបារម្ភបំផុតដោយសារស្ថានការណ៍អាក្រក់នៃជំងឺនេះបានធ្វើឲ្យវិស័យភស្តុភារកម្មនិងដឹកជញ្ជូនកម្ពុជាកាន់តែបន្តរងគ្រោះខ្លាំងដោយបន្ថែមកត្តាគួបផ្សំមួយចំនួនទៀតដូចជាការអនុវត្តនៃការកាត់ចេញផ្នែកខ្លះនៃEBA ពីសហគមន៍ អឺរ៉ុប ផងដែរ។