គ្រូបឹងកេតបាននិយាយថាស៊ីកំពង់ចាម៧ទល់០នេះល្មមទទួលបានហើយ
បឹងកេតបានទៅយកបីពិន្ទុពីក្រុមខេត្តកំពង់ចាមក្នុងទឹកដីមេមត់ក្នុងពានរង្វាន់ Metfone Cambodian League សប្ដាហ៍ទី៤ជាមួយនឹងការស៊ុតបញ្ចូលទី៧គ្រាប់ហើយបិទមិនឲ្យគេស៊ុតចូលនោះឡើយ។
ជាមួយនឹងលទ្ធផលដ៏ល្អនេះ គ្រូបង្វឹកបឹងកេត ហៅ សុជាតិ បានសម្តែងការរីករាយចំពោះជ័យជម្នះហើយថាលោកស៊ី៧គ្រាប់គឺសមល្មមហើយ។ និយាយក្រោយចប់ការប្រកួតគ្រូបង្វឹករូបនេះថ្លែងថា៖
« មុនពេលមកទីនេះ គឺយើងបានដាក់គោលដៅរួចហើយ ថាដើម្បីយក ៣ពិន្ទុ ហើយចំពោះគ្រាប់បាល់ច្រើនប៉ុណ្ណានោះយើងមិនអាចប៉ាន់ស្មានបានទេ តែខ្ញុំគិតថា គ្រាប់បាល់ប៉ុននេះ គឺគ្រប់គ្រាន់ហើយ ។ យើងព្យាយាមដាក់បញ្ចូលកីឡាករថ្មីៗ និងយុវជនឱ្យបានចូលលេង ក្នុងការប្រកួតនេះ ដើម្បីទទួលបានឱកាសត្រៀមសម្រាប់ការប្រកួតក្រោយៗទៀត » ។
៧គ្រាប់របស់បឹងកេតដែលស៊ុតចូលក្រុមសិស្សប្អូនកំពង់ចាមគឺ៖ ម៉ាត់ យ៉ាម៉ីន (នាទី ៥) ឃួន ឡាបូរ៉ាវី (នាទី៥៤) DUDU (នាទី ៣២, ៤៩) និង Julius (នាទី១០, ២៤, ៨៧) ។ ប្រកួតបន្ទាប់ទៀតនឹងត្រូវប្រឈមមុខនឹងក្រសួងការពារជាតិ នៅថ្ងៃទី២៧ ខែមេសា នៅស្តាតចាស់ ៕
អត្ថបទ ៖ គឹមស្រ៊ិន
ប្រភពនិងរូបភាព៖ បឹងកេត
