រថយន្តម៉ាកPrius ព្រលះគ្នានឹងគោយន្ត បណ្ដាលឲ្យរបួសធ្ងន់ស្រាលមនុស្ស០៣នាក់

(កំពង់ឆ្នាំង)៖ យ៉ាងហោចណាស់មនុស្ស៣នាក់រងរបួសធ្ងន់ស្រាល ក្នុងហេតុការណ៍គ្រោះចរាចរណ៍មួយកាល ម្សិលមិញនៅឯស្រុកកំពង់ត្រឡាច នៃខេត្តកំពង់ឆ្នាំង ហេតុការណ៍នេះបានកើតឡើងនៅវេលាម៉ោង0៥៖៣០នាទីល្ងាច​ ថ្ងៃទី២០ ខែមេសា ឆ្នាំ២០១៩ នៅលើកំណាត់ផ្លូវជាតិលេខ៥ ចំណុចវាលបារាម ចន្លោះ បង្គោលគីឡូម៉ែត្រលេខ៦៤/៦៥ ស្ថិតនៅភូមិឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង។

លោកវរសេនីយ៍ឯក នន ស៊ីណាត អធិការនគរបាលស្រុកកំពង់ត្រឡាច បានឲ្យដឹងថា ក្នុងករណីគ្រោះថ្នាក់ចរាចរណ៍ខាងលើនេះពុំមានអ្នកស្លាប់ទេ មានតែអ្នករងរបួសធ្ងន់។ ករណីនេះបង្កឡើង ដោយភាគីរថយន្តទំនងអ្នកបើកបរងងុយមួយភាំងក៏បុកគោយន្តកន្ត្រៃតែម្តង ហើយទាំងរថយន្តនិង គោយន្តកន្ត្រៃនោះយកទៅរក្សាទុកស្នងការដ្ឋាននគរបាលខេត្ត ដើម្បីដោះស្រាយគ្នាតាមច្បាប់។

អធិការនគរបាលស្រុកដដែលបន្តថា រថយន្តបង្កហេតុម៉ាកតូយូតាព្រូស ពណ៍ទឹកមាស ពាក់ស្លាកលេខ ភ្នំពេញ2AS-7570 បើកបរដោយឈ្មោះ សុខ គន្ធា ភេទ ស្រី អាយុ 32 ឆ្នាំជនជាតិខ្មែរ នៅភូមិ១៣មករា ឃុំព្រែកព្រះស្តេច ស្រុកបាត់ដំបង ខេត្តបាត់ដំបង។ ក្នុងនោះអ្នករួមដំណើរ៥នាក់ផងដែរក្នុងរថយន្តធ្វើ ដំណើរពីខាងត្បូងទៅជើង បានជ្រុលបុកនិងគោយន្តកន្រៃ្តដឹកឈើ ពណ៍ក្រហម គ្មានស្លាកលេខ បើកបរ ដោយឈ្មោះ ថា ពេជ្រ ភេទប្រុស អាយុ១៨ឆ្នាំ នៅភូមិដូនឪ ឃុំស្នាយជិត ស្រុកជុំគិរី ខេត្តកំពត។ នៅលើ គោយន្តមានមនុស្ស២នាក់ ទី១/ឈ្មោះ ទូច តុង ភេទប្រុស អាយុ១៧ឆ្នាំ ជនជាតិខ្មែរ និងទី២/ឈ្មោះកាន ថា ភេទប្រុស អាយុ៥៦ឆ្នាំ នៅភូមិ ឃុំ ជាមួយអ្នកបើកបរធ្វើដំណើរបញ្ច្រាស់ទិសគ្នាពីជើងទៅត្បូង។

អធិការនគរបាលស្រុកបន្ថែមថា ភ្លាមៗនោះផងដែរមន្ត្រីរបស់លោកក៏បានចុះដល់កន្លែងកើតហេតុ បាន ឲ្យដឹងថានៅក្នុងហេតុការណ៍ខាងលើនេះបានបណ្តាលឲ្យមនុស្ស៥នាក់រងរបួសធ្ងន់និងស្រាល។ ក្រោយពេល កើតហេតុជនរងគ្រោះត្រូវបានដឹកបញ្ជូនទៅកាន់មន្ទីពេទ្យដើម្បីជួយសង្គ្រោះ ដោយឡែករថយន្តបង្កហេតុ និងគោយន្តកន្ត្រៃត្រូវបាននាំយកមករក្សាទុកនៅស្នងការដ្ឋាននគរបាលខេត្តកំពង់ឆ្នាំង៕

(ប្រភពពីផេករបស់អគ្គស្នងការនគរបាលជាតិ)

ដកស្រង់អត្ថបទដោយ៖ ព្រួញទេព