ក្លឹបធ្លាប់ល្បីឈរលើ Man City, PSG ក្លាយជាទៅក្លឹបមួយស្ទើរលែងមានអ្នកគាំទ្រទៅទស្សនា
ក្លឹបធ្លាប់ឈរលើ Man City, PSG ក្លាយជាក្លឹបស្ទើរលែងមានអ្នកគាំទ្រទៅទស្សនា
/5cbb45b98bf6a_1555776900_large.jpg)
នៅក្នុងការស្ទង់មតិមួយបានអះអាងថា អ្នកគាំទ្រ Bolton កាលណោះ គឺជាមនុស្សដែលមានសុភមង្គលបំផុតនៅក្នុងប្រទេសអង់គ្លេស។
បាល់ទាត់គឺជាផ្នែកមួយដ៏សំខាន់នៃមូលហេតុសុភមង្គលនេះ។ ពួកគេសប្បាយនៅពេលមើលការប្រកួតរបស់ Jay-Jay Okocha, Youri Djorkaeff និង Nicolas Anelka នៅសម័យនោះ។
ប៉ុន្តែអស់រយៈពេល២ឆ្នាំជាប់ៗគ្នា ប្រាក់ខែរដូវក្តៅបើកឲ្យកីឡាករខ្លះទាន់ពេល ហើយខ្លះទៀតមិនទាន់ពេល ហើយប្រាក់ខែសម្រាប់ខែកុម្ភៈ និង ខែមីនានៅមិនទាន់ទូទាត់នៅឡើយ។
Bolton លេង៤៣ប្រកួត ចាញ់២៧លើក និងមានត្រឹមតែ ៣២ពិន្ទុ កំពុងឈរលេខ២បាតតារាង English League Championship ដែលជាក្របខ័ណ្ឌបាល់ទាត់លំដាប់ទី២របស់អង់គ្លេស ហើយត្រូវធ្លាក់ដោយស្វ័យប្រវត្តិទៅលេងលីគលំដាប់ទី៣នៅរដូវកាលក្រោយ ទោះសល់៣ប្រកួតទៀតមុនចប់រដូវកាលក៏ដោយ។
Bolton មានម្ចាស់ក្លឹបដែលមានលុយតិចតួច
ចាប់តាំងពីលោក Ken Anderson បានមកធ្វើជាម្ចាស់ក្លឹប Bolton ក្នុងឆ្នាំ ២០១៦ បុរសដែលមានមូលនិធិតិចតួច ហើយគ្មានទំនាក់ទំនងប្រវត្តិសាស្ត្រជាមួយក្រុម Bolton Wanderers បានធ្វើឲ្យក្លឹបជំពាក់បំណុលគេវ័ណ្ឌក។
/5cbb45b9d046c_1555776900_large.jpg)
កាលពីឆ្នាំ២០១៧ មានការភ្ញាក់ផ្អើលជាសាធារណៈមួយបានកើតឡើងរវាងម្ចាស់ក្លឹបគឺលោក Anderson និង Dean Moxey ។ ខ្សែការពាររូបនេះត្រូវបានម្ចាស់ក្លឹបបង់ប្រាក់ឲ្យដោយផ្អែកទៅលើចំនួនប្រកួតដែលគេបានចូលលេងនៅរដូវកាលមុនប៉ុណ្ណោះ ហើយកីឡាករខ្លះទៀតត្រូវម្ចាស់ក្លឹបជំពាក់លុយ។
បញ្ហាបើកប្រាក់ខែមិនទៀងទាត់នេះបានកើតឡើងម្តងទៀតនៅឆ្នាំ ២០១៨។ ក្រោយកីឡាករ Karl Henry ចាកចេញពី Bolton កីឡាកររូបនេះនៅតែបង្ហោះសារលើ Twitter ទាមទារប្រាក់ខែរបស់ខ្លួន ខណៈក្រុមអ្នកគាំទ្របានសូមទោសខ្សែបម្រើរូបនេះចំពោះឥរិយាបថមិនល្អរបស់ម្ចាស់ក្លឹប។
Bolton គ្មានប្រាក់បង់ពន្ធត្រូវប្រឈមនឹងតុលាការ គណនីធនាគារត្រូវបានបង្កក។ ក្រុមបុគ្គលិករង់ចាំប្រាក់ខែមួយខែហើយមួយខែទៀតនៅតែមិនឃើញ។ កីឡាករធ្វើពហិការមិនព្រមទៅហ្វឹកហាត់។
អនាគតថ្មីរបស់ក្លឹបអាចប្រសើរ ឬ កាន់តែយ៉ាប់យឺន?
នៅទីបំផុត Anderson បានយល់ព្រមលក់ក្លឹបឲ្យទៅ Laurence Bassini បុរសដែលធ្លាប់ប្រកាសក្ស័យធនចំនួន២ដង។ អតីតម្ចាស់ក្លឹប Watford រូបនេះត្រូវបានហាមឃាត់រយៈពេល ៣ ឆ្នាំមិនឲ្យរកស៊ី៏ក្នុងក្លឹបបាល់ទាត់ណាមួយឡើយ បន្ទាប់ពីរកឃើញថាលោកបានរំលោភច្បាប់។
/5cbb46a2462df_1555777140_large.jpg)
ប្រភព៖ Four Four Two
