Pep បាននិយាយពី Liverpool ក្រោយ Man City សងសឹកឈ្នះ Spurs កាលពីយម់មីញក្មុងលទ្ធផល១ទល់និង០
Pep Guardiola អ្នកចាត់ការក្រុម Manchester City បានលើកឡើងពីក្រុមគូប្រជែង Liverpool ខ្លះៗ បន្ទាប់ពីក្រុមរបស់លោក ឈ្នះ Tottenham Hotspur ១-០ នៅកីឡដ្ឋាន Etihad និងឡើងទៅឈរកំពូលតារាង Premier League វិញ កាលពីយប់មិញ។
Man City បានធ្លាក់ចេញពី UEFA Champions League ត្រឹមវគ្គ៨ក្រុម ក្រោមស្នាដៃក្រុម Spurs កាលពីយប់ថ្ងៃពុធ ប៉ុន្តែពួកគេបានសងសឹកនៅ Premier League ដោយជោគជ័យវិញយប់មិញ ជាពិសេសគឺ បាន៣ពិន្ទុដ៏សំខាន់ ដើម្បីបន្តសង្ឃឹមប្រជែងយកពានជាមួយ Liverpool។
ក្រោយចប់ការប្រកួត អ្នកចាត់ការសញ្ជាតិអេស្ប៉ាញ បាននិយាយថា៖ “និយាយឲ្យត្រង់ ក្នុងលីគនេះ នៅពេលដែលក្រុមណា ក៏អាចចាញ់ក្រុមណាបាន ជាទីកន្លែងដែលត្រូវលេងប្រើកម្លាំងខ្លាំងៗ ប៉ុន្តែយើងអាចរកបាន ១០០ពិន្ទុ រដូវកាលមុន ហើយរដូវកាលនេះ យើងកំពុងប្រជែងជាមួយក្រុមដែលល្អបំផុត Liverpool ដូច្នេះវាពិតជាអស្ចារ្យ។ នេះជាអ្វីដែលខ្ញុំពេញចិត្តបំផុតសម្រាប់កីឡាកររបស់ខ្ញុំទាំងអស់។ ខ្ញុំចង់ឈ្នះពាន (Premier League) បើយើងមិនអាចឈ្នះទេ ខ្ញុំក៏សូមកោតសរសើរដល់ Liverpool”៕
ប្រភព៖ Daily Mail
អត្ថបទ គឹមស្រ៊ិន
