សូមចូលរួមរំលែកទុក្ខជាមួយក្រុមគ្រួសារសព! លោកតាព្រីង សាឃន ជាតួអង្គ «តាជូជក់» ដ៏ល្បីក្នុងរឿង «ព្រះវេសន្តរ» បានទទួលមរណភាពដោយរោគាពាធ

(ភ្នំពេញ) : យោងតាមការបង្ហោះសាររបស់តារាចម្រៀងណុបបាយ៉ារិទ្ធ បានបញ្ជាក់នៅក្នុងទំព័រ facebook របស់ខ្លួនថា តារាសម្តែងជើងចាស់ម្នាក់គឺលោកតាព្រឹទ្ធាចារ្យ ព្រីង សាឃន ជាព្រឹទ្ធាចារ្យសិល្បៈដែលពោពេញទៅដោយបទពិសោធន៍និងទេពកោសល្យក្នុងវិស័យសិល្ប: ភាពយន្ត របាំ ល្ខោន យីកេ និងស្នាដៃជាច្រើនទៀត ត្រូវបានលាចាកលោកទៅហើយដោយរោគាពាធ ។

លោកបានសរសេរបញ្ចាក់ថា សូមចូលរួមរំលែកទុក្ខ ចំពោះការបាត់បង់មរតកមនុស្សរស់ លោកតាព្រឹទ្ធាចារ្យ ព្រីង សាឃនជាព្រឹទ្ធាចារ្យសិល្បៈដែលពោពេញទៅដោយទេពកោសល្យ ភាពយន្ត របាំ ល្ខោន យីកេ និងស្នាដៃជាច្រើនទៀត ពិសេសបងប្អូនប្រជាពលរដ្ឋខ្មែរទូទាំងប្រទេសបានចាំពីទេពកោសល្យសម្តែងរបស់លោកតាយ៉ាងច្បាស់ តាមរយៈតួរអង្គ «តាជូជក់» នៅក្នុងយីកេររឿងព្រះវេស្សន្តរជាតកកំឡុងទសវត្សរ៍ឆ្នាំ៨០ ។