តារាចម្រៀង សុគន្ធ នីសា ប្រកាសប្ដូរអាជីពថ្មី ខណៈវិស័យសិល្បៈស្ងប់ស្ងាត់ អំឡុងពេលជំងឺកូវីដ-១៩
(ភ្នំពេញ) ៖ តារាចម្រៀងសំឡេងស្រទន់ អ្នកនាង សុគន្ធ នីសា ក្រោយពេលដែលអាជីពចម្រៀងបច្ចុប្បន្នហាក់មានភាពស្ងប់ស្ងាត់តាមរយៈការចេញច្រៀងនៅលើឆាកប្រគំតន្ត្រីមួយចំនួនអំឡុងជំងឺកូវីដ-១៩ កំពុងរាតត្បាតនោះ ពេលនេះនាងក៏ស្រាប់តែប្រកាសប្ដូរអាជីពថ្មីបន្ថែមលើវិស័យសិល្បៈយ៉ាងភ្ញាក់ផ្អើល។
ការប្រកាសរបស់តារាចម្រៀងស្រី អ្នកនាង សុគន្ធ នីសា នេះ បានធ្វើឲ្យមហាជន និងអ្នកគាំទ្រចាប់អារម្មណ៍ ហើយសួរនាំគ្រប់គ្នា បន្ទាប់ពីបានឃើញនាងបង្ហោះនៅលើបណ្ដាញសង្គមហ្វេសប៊ុក ភ្ជាប់ជាមួយរូបភាពជាច្រើនសន្លឹក ក្នុងដំណើរកម្សាន្តដ៏ស្រស់ស្រាយមួយ ជាមួយមិត្តភ័ក្ដិរបស់ខ្លួន។
ខ្លឹមសារជាចម្ងល់របស់ទស្សនិកជនដែលត្រូវបាន អ្នកនាង សុគន្ធ នីសា រៀបរាប់នោះបានលើកឡើងថា ប្តូរអាជីពវិញម្តង តោះអ្នកណាចង់ថតរូបខ្លះ មិនបាច់លើកដៃទេ។ សាររបស់អ្នកនាង សុគន្ធ នីសា មួយឃ្លានេះ ត្រូវបានទស្សនិកជនយល់ឃើញថា នេះគ្រាន់តែពាក្យនិយាយលេងសើចរបស់នាងប៉ុណ្ណោះ ពោលគឺអាជីពសិល្បៈប្រហែលគ្មានថ្ងៃដែល នីសា បោះបង់ចោលឡើយ ព្រោះខំសាងកេរ្តិ៍ឈ្មោះមានរយៈពេលយូរឆ្នាំមកហើយទម្រាំមានពេលនេះ។
ជាមួយគ្នានឹងសំនួររបស់មហាជន ហើយអ្នកគាំទ្រនេះដែរ តារាចម្រៀងផលិតកម្មហង្សមាស អ្នកនាង សុគន្ធ នីសា បាននិយាយថា ព្រោះតែអត់មានអ្នកកុហក ដូច្នេះកុហកតែខ្លួនឯងម្នាក់ទៅ។
ជាការកត់សម្គាល់ អ្នកនាង សុគន្ធ នីសា ទោះបីជាអាជីពសិល្បៈបច្ចុប្បន្នមិនសូវមានការមមាញឹកច្រើនដូចគ្រាមុនៗក៏ពិតមែន តែតារាស្រីរូបនេះ នូវតែរក្សាបានការគាំទ្រ និងមានប្រជាប្រិយភាពមិនចាញ់តារាប្រុស-ស្រីរួមជំនាន់ឡើយ៕
