អាមេរិកទល់គំនិតធ្វើស្អីចិនមិនកើត បានត្រឹមតែបើកការប្រយុទ្ធជាមួយចិន នៅដែនសមុទ្រចិនខាងត្បូង(មានវីដេអូ)

សេចក្តីថ្លែងការណ៍នេះធ្វើឡើងភ្លាមៗបន្ទាប់ពីសហរដ្ឋអាមេរិកបានធ្វើសមយុទ្ធនាវាដឹកយន្តហោះធុនធំលើកដំបូងរបស់ខ្លួននៅសមុទ្រចិនខាងត្បូងក្នុងរយៈពេល៦ឆ្នាំ ខណៈមន្ទីរប៉ង់តាហ្គោន បង្កើនវត្តមានយោធារបស់ខ្លួនដើម្បីរារាំងការកើនឡើងនូវការអះអាងរបស់ចិននៅក្នុងដែនទឹក។

រដ្ឋមន្រ្តីក្រសួងការបរទេសសហរដ្ឋអាមេរិកលោក Mike Pompeo បានព្រមានថា“ ពិភពលោកនឹងមិនអនុញ្ញាតិឱ្យទីក្រុងប៉េកាំង ចាត់ទុកសមុទ្រចិនខាងត្បូងថាជាដែនសមុទ្ររបស់ខ្លួនទេ” ហើយថាសហរដ្ឋអាមេរិក ឈរជាមួយសម្ព័ន្ធមិត្ត និងដៃគូអាស៊ីអាគ្នេយ៍របស់យើងក្នុងការការពារសិទ្ធិអធិបតេយ្យភាពរបស់ពួកគេចំពោះធនធាននៅឈូងសមុទ្រស្របជាមួយប្រទេសទាំងនោះ ដែលជាសិទ្ធិ និងកាតព្វកិច្ចក្រោមច្បាប់អន្តរជាតិ។

សេចក្តីថ្លែងការណ៍របស់លោក Mike Pompeo កើតឡើងនៅក្នុងបរិបទកាន់តែទូលំទូលាយនៃការបង្កើនសម្ពាធរបស់សហរដ្ឋអាមេរិក ទៅលើប្រទេសចិនដែលបានពង្រីកហួសពីសង្គ្រាមពាណិជ្ជកម្មដំបូង ហើយឥឡូវនេះកំពុងវិវត្តទៅជាអ្វីដែលអ្នកវិភាគមួយចំនួនយល់ថាជាសង្គ្រាមត្រជាក់ថ្មី។

សេចក្តីថ្លែងការណ៍ដែលមិនធ្លាប់មានពីមុនមករបស់អាមេរិកប្រឆាំងនឹងចលនាដែនសមុទ្ររបស់ចិនសម្គាល់ឃើញទំព័រថ្មីដែលបង្កហេតុនៅក្នុងការបង្ហាញខ្លួននៅសមុទ្រចិនខាងត្បូង។