ករណីគ្រោះថ្នាក់ចរាចរណ៍ដ៏រន្ធត់នៅត្រង់ចំណុចចុះចំណតពេជ្រនិល
(ខេត្តកំពង់ស្ពឺ)៖ កាលពីវេលាម៉ោង ១២.០៥ នាទី ថ្ងៃទី ២០ ខែមេសា ឆ្នាំ២០១៩នេះ មានករណីគ្រោះថ្នាក់ចរាចរណ៍ នៅលេីផ្លូវជាតិលេខ ៤ចន្លោះគីឡូម៉ែត្រលេ ១០៣.១០៤ ត្រង់ចំណុចចុះចំណោទពេជ្រនិល ស្ថិតក្នុងភូមិទី៦ ឃុំត្រែងត្រយឹង ស្រុកភ្នំស្រួច រថយន្តមួយគ្រឿងម៉ាក HYUNDAI ពណ៌ក្រហម ស្លាកលេខព្រះសីហនុ 3A-3602 អ្នកបេីកបរមិនស្គាល់ឈ្មោះ(ចុះរត់គេចបាត់) បេីកមកពីទិសខាងកេីតទៅទិសខាងលិចចុះចំណោទ បានបុកគូថរថយន្តមួយគ្រឿងម៉ាក HYUNDAI លីបប៉ារ៉ូ ពណ៌ស ពាក់ស្លាកលេខត្បូងឃ្មុំ 2A-2382 បេីកបរដោយឈ្មោះ យីន សៀងហៃ ភេទប្រុស អាយុ ៣០ឆ្នាំ មានទីលំនៅភូមិផ្សារកណ្តោលជ្រំ ឃុំកណ្តោលជ្រំ ស្រកពញាក្រែក ខេត្តត្បូងឃ្មុំ បេីកបរក្នុងទិសស្របគ្នា។
តាមការបញ្ជាក់ពីជំនាញចរាចរណ៍អោយដឹងថាក្នុងហេតុការណ៍គ្រោះថ្នាក់ចរាចរណ៍បណ្តាលមកពីរថយន្ដ HYUNDAI ពណ៌ក្រហម ស្លាកលេខព្រះសីហនុ 3A-3602 ចុះចំណោទទៅបុកពីក្រោយ និងបង្កឲ្យរបួសមនុស្ស ៥ នាក់ ស្រី ០៣នាក់ និងខូចខាតសម្ភារៈរថយន្តទាំង ០២គ្រឿងដូចគ្នា ជនរងគ្រោះមានឈ្មោះ
១.ឈ្មោះ សម្បត្តិ គន្ធាភេទស្រី អាយុ ៣៣ឆ្នាំរងរបួសធ្ងន់ បញ្ជូនទៅមន្ទីរពេទ្យ។
២.ឈ្មោះ ស៊ុំ ឡេង ភេទប្រុស អាយុ ៤៧ឆ្នាំ រងរបួសធ្ងន់ បញ្ជូនទៅមន្ទីរពេទ្យ។
៣.ឈ្មោះ ក្រូច សំណាង ភេទស្រី អាយុ ៤៣ឆ្នាំ រងរបួសស្រាល។
៤.ឈ្មោះ ខុំ សម្បត្តិលីហ្សា ភេទស្រីអាយុ ៨ឆ្នាំរងរបួសធ្ងន់ បញ្ជូនទៅមន្ទីរពេទ្យ។
៥.ឈ្មោះ គៀង សៀងលី ភេទប្រុសអាយុ ១៦ឆ្នាំ រងរបួសធ្ងន់ បញ្ជូនទៅមន្ទីរពេទ្យ។
អ្នករងគ្រោះទាំងអស់រស់នៅភូមិឃុំស្រុកជាមួយគ្នា ចំណែករថយន្តទាំង០២គ្រឿង រងការខូចខាតធ្ងន់ ដូចគ្នា ជំនាញកំពុងចំណាត់ការស្រាវជ្រាវរកអ្នកបង្ក ដេីម្បីកសាងសំណុំរឿង ចាត់ការតាមនីតិវិធីច្បាប់៕
(ប្រភពព័ត៌មានពីផេករបស់ស្នងការដ្ឋាននគរបាលខេត្តកំពង់ស្ពឺ)
អត្ថបទដកស្រង់ដោយ៖ ព្រួញទេព
