ខ្យល់កន្រ្តាក់បណ្ដាលឲ្យផ្ទះចំនួនជាង ១០ខ្នងត្រូវរងការខូចខាតនៅស្រុកអង្គស្នួល

(កណ្តាល)៖ កាលពីយប់ម្សិលមិញ ថ្ងៃទី១៩ ខែមេសា ឆ្នាំ២០១៩ នៅក្នុងឃុំលំហាច ស្រុកអង្គស្នួល ខេត្តកណ្តាល ផ្ទះចំនួនជាង ១០ខ្នង បានរងការដួលរលំ និងខូចខាតយ៉ាងធ្ងន់ធ្ងរដោយសារតែគ្រោះធម្មជាតិខ្យល់កន្រ្តាក់។

គួរឲ្យដឹងផងដែរថា ក្រុមការងាររបស់អនុសាខាកាកបាទក្រហមស្រុកអង្គស្នួល ដឹកនាំដោយលោក នឹម នីរ៉ាដេត អភិបាល នៃគណៈភិបាលស្រុក បានចុះផ្ដល់ជាអំណោយដល់បងប្អូន ដែលជាអ្នករងគ្រោះដល់លំនៅដ្ឋានតែម្ដង៕

អត្ថបទ៖ ព្រួញទេព