ហេង ស្រីពេជ្រ តួម្តាយក្នុងបទ «អ្នកព្រៃវែងអាក្រក់ត្រង់ណា» ចេញមុខទម្លាយអារម្មណ៏ពិតក្រោយផ្ទុះការរិះគន់

(សង្គមសិល្បៈ) ៖ដូចដែលប្រិយមិត្តបានជ្រាបរួចមកហើយថាមួយរយៈនេះផ្ទុះបទចម្រៀង «អ្នកព្រៃវែងអាក្រក់ត្រង់ណា» បានក្លាយជាប្រធានបទក្តៅសម្រាប់សាធារណៈជនទូទៅ លើកយកមកពិភ្សាលើបណ្តាញសង្គម មានអ្នករិះគន់កប់ៗមាត់ ឯអ្នកខ្លះបញ្ចេញមតិតាមការយល់រៀងៗខ្លួន។ យ៉ាងណាមិញងាកមក

កញ្ញា ហេង ស្រីពេជ្រ ដែលដើរតួម្តាយបានទម្លាយអារម្មណ៏ពិតយ៉ាងដូច្នេះថា៖ «ចា៎អូន! បងគ្មានចេតនាណាមួយ ទៅស្អប់ខ្ពើមអ្នកព្រៃវែងនោះទេ បងមានតែស្រឡាញ់ចូលចិត្តអ្នកខាងព្រៃវែង ព្រោះជាបងប្អូនខ្មែរទាំងអស់គ្នា។ តែធ្វើម៉េច បងមានតួនាទីជាអ្នកសម្តែង គឺសម្តែងអ្វី ដែលអ្នកដឹកនាំគាត់ចង់បាន ឲ្យបងលេងកាចឲ្យដល់ ក្នុងសាច់រឿងហ្នឹង»។ តួអង្គម្តាយខាងកូនស្រី ដែលប្រកាន់នូវគំនិតចាស់គំរិល រើសអើងទាំងអគតិ ចំពោះអ្នកខេត្តព្រៃវែង ក្នុង MV «អ្នកព្រៃវែងអាក្រក់ត្រង់ណា» កញ្ញា ហេង ស្រីពេជ្រ បន្ថែមថា «ពេលខ្លះយើងមើលឃើញខ្លួនឯង អ៊ីចឹងក៏អត់សូវសប្បាយចិត្តដែរ តែធ្វើម៉េចយើងស្រឡាញ់ការងារហ្នឹង ហើយអ្នកដឹកនាំគាត់តម្រូវឲ្យយើងលេងបែបនេះ។ តែពេលនេះឃើញអ្នកដឹកនាំ និងខាងផលិតកម្ម គាត់ចេញមុខសុំទោសជាសាធារណៈចឹងទៅ ខ្ញុំរៀងបាត់ពិបាកចិត្ត៥០ភាគរយ នៅ៥០ភាគរយ តែអត់ទាន់ ធ្វើចិត្តបានដដែលហ្នឹង…»៕