អតីតគ្រូបង្វឹក Real Madrid ម្នាក់ថាមានគេប្រាប់លោកពីខ្ទង់ចំណាយរបស់ក្លិបនៅរដូវកាលនេះ
អតីតគ្រូបង្វឹក Real Madrid លោក Fabio Capello បានបញ្ជាក់ថាក្លិបចាស់របស់គាត់មានលុយ៥០០លានអឺរ៉ូសម្រាប់ចំណាយក្នុងរដូវកាលដោះដូរកីឡាករត្រៀមរដូវកាលថ្មីនេះ។
ស្ដេចសឆ្នាំនេះនឹងបញ្ចប់រដូវកាលនេះដោយគ្មានបានលិឍពានរង្វាន់ណាមយយនោះទេបូករួមជាមួយនិងលទ្ធផលពិសេសទម្រង់លេងក្រុមទាំងមូលក៏មិនសូវល្អទៀតនោះ។ពេលនេះ Real កំពុងតាមពីក្រោយក្រុមកំពូលតារាង Laliga Barcelona ១៣ពិន្ទុហើយក្លិបបានធ្លាក់ចេញពីពាន UEFA Champions League ត្រឹមវគ្គ១៦ក្រុមចុងក្រោយក្រោមថ្វីជើង Ajax។
ដោយឡែក!ពាន Copa del Rey ត្រូវបានBarcelona ដណ្ដើមយកកៅអីបន្ទាប់ពីឈ្នះទាំងពីរជើងនៅវគ្គពាក់កណ្ដាលផ្ដាច់ព្រ័ត្រ។ Real Madrid មានទំនាក់ទំនងក្នុងការចូលកីឡាករមានឈ្មោះល្បីក្នុងពិភពលោកដែលក្នុងនោះមានដូចជា៖ Paul Pogba របស់ Manchester United, Eden Hazard របស់ Chelsea…ហើយអតីតគ្រូបង្វឹកលោក Capello រំពឹងថាក្លិបនឹងចំណាយធំ។
លោកបាននិយាយក្នុងកាសែត Sky Sport Italia ថា៖” ពួកគេបានប្រាប់ខ្ញុំថា Real Madrid មានលុយ៥០០លានអឺរ៉ូដើម្បីចំណាយសម្រាប់ការចុះកុងត្រាកីឡាករ។ ខ្ញុំបានទៅ Barcelona កាលពីសប្ដាហ៍នេះហើយមនុស្សម្នាក់ដែលដឹងពី Real Maddrid ច្បាស់បានប្រាប់ខ្ញុំពីរឿងនេះ”៕
អត្ថបទ៖ គឹមស្រ៊ិន
