សៀមរាប៖ ឃាត់ខ្លួនជនសង្ស័យម្នាក់ ពីករណីលួចម៉ូតូ
សៀមរាប៖ កាលព្រឹកថ្ងៃទី១០ ខែមីនា ឆ្នាំ២០១៩ សមត្ថកិច្ចនគរបាលស្រុកក្រឡាញ់ បានទទួលបណ្តឹងពីជនរងគ្រោះឈ្មោះសៀប ស៊ឹម ភេទស្រី ឆ្នាំកំណើត១៩៨៧ ទីលំនៅភូមិភ្នំទ្រង់បាត ឃុំកំពង់ថ្កូវ ស្រុកក្រឡាញ់ ករណីបាត់ម៉ូតូ ផលិតឆ្នាំ២០០១ បិទតែមឆ្នាំ២០០២ ពណ៌ខ្មៅ គ្មានស្លាកលេខ មិនចាំលេខតួ+លេខម៉ាស៊ីន នៅច្រកខាងត្បូងចូលផ្សារក្រឡាញ់(ម្ចាស់ទុកម៉ូតូចោលមិនបានដកសោរ) កាលពីថ្ងៃទី ០៨ ខែមីនា ឆ្នាំ២០១៩។
បន្ទាប់ពីបានទទួលបណ្តឹងពីជនរងគ្រោះលោកវរសេនីយ៍ឯកជី បេងជន អធិការនគរបាលស្រុកបានបញ្ជាឲ្យសមត្ថកិច្ចនគរបាលបើកកាស៊ើបអង្កេតស្រាវជ្រាវ និងបានកំណត់អត្តសញ្ញាណជនសង្ស័យឈ្មោះនឹង សូត ឆ្នាំកំណើត ១៣.១២.១៩៩៣ ទីកន្លែងកំណើតភូមិ កញ្ជាន់ជ្រៅ ឃុំរោងគោស្រុកក្រឡាញ់ទីលំនៅបច្ចុប្បន្នភូមិក្តុលឃុំតាអានស្រុកក្រឡាញ់ក្រោយពីធ្វើសកម្មភាពរួចជនសង្ស័យបានគេចខ្លួន។ លុះដល់ថ្ងៃទី១៨ ខែមេសា ឆ្នាំ២០១៩ សមត្ថកិច្ចនគរបាល បានប្រទះឃើញមុខសញ្ញាបានមកលេងផ្ទះនៅភូមិក្តុល ឃុំតាអាន ពេលនោះសមត្ថកិច្ចបាននាំមកសួរនាំជនសង្ស័យបានឆ្លើយសារភាពថាខ្លួនពិតជាបានប្រព្រឹត្តករណីខាងលើប្រាកដមែន។
ក្នុងករណីនេះកម្លាំងនគរបាលស្រុកបានកសាងសំណុំរឿងបញ្ជូនខ្លួនទៅការិយាល័យជំនាញនៃស្នងកាដ្ឋាននគរបាលខេត្តដើម្បីអនុវត្តតាមនីតិវិធីបន្ត ៕
(ប្រភពព័ត៌មានយោងតាមផេករបស់អគ្គស្នងការនគរបាលជាតិ)
អត្ថបទដកស្រង់ដោយ៖ សីហា
