កូនល្អ!អតីតបេក្ខនារីFactor Cambodia កញ្ញា លៀង ចាន់ឡា ទំលាយមុខគូស្នេហ៍ហើយ សមគ្នាណាស់ ដោយគ្រោងរៀបការនៅពេលដែលជោគជ័យ មានលុយ និងជួយពុកម៉ែបានសិន បានចូលរោងការតាមក្រោយ (មានវីដេអូ)

កញ្ញា លៀង ចាន់ឡា គឺជាអតីតបេក្ខនារី ធ្លាប់ចូលប្រឡង ក្នុង កម្មវិធីប្រលង ចម្រៀងលំដាប់កំពូល ល្បីទូទាំងពិភពលោក X Factor Cambodia កាលពីខែកក្កដា ឆ្នាំ ២០១៩។

កាលនោះ អ្នកខេត្តកំពង់ឆ្នាំងរូបនេះ បានលើកយកបទ “កាត់ចិត្តបែបណា” មកធ្វើការប្រកួត។ បើទោះ ចាន់ឡា មិនទទួលបានពានរង្វាន់ក៏ដោយ ក៏អតីតបេក្ខនារីម្នាក់នេះនៅតែទទួលបានការគាំទ្រយ៉ាងខ្លាំងពីសំណាក់ទស្សនិកជនទូទៅ។

ជាក់ស្តែងថ្មីៗនេះ មហាជនផ្ទុះការចាប់អារម្មណ៍ និងកោតសរសើរ ចាន់ឡា យ៉ាងខ្លាំង ក្នុងការសម្តែងរឿងដ៏ល្អឥតខ្ចោះមួយ ក្រោមចំណងជើងថា “ប្រពន្ធបាយកក” គិតត្រឹមថ្ងៃទី ២២ ខែមិថុនា ឆ្នាំ ២០២០ នេះ រឿងមួយនេះ មានអ្នកចូលទស្សនាជាង ២លានដងបាត់ទៅហើយ ហើយភាគទី២ នៃរឿងនេះនឹងចេញឆាប់ៗខាងមុខនេះផងដែរ។

ចំណែកកាលពីថ្ងៃទី ២០ ខែមិថុនា ឆ្នាំ ២០២០ ទើបកន្លងផុតទៅប៉ុន្មានថ្ងៃនេះ លៀង ចាន់ឡា បានទំលាយមុខគូស្នេហ៍ជាផ្លូវការហើយ។ ក្នុងកិច្ចសម្ភាសន៍ពិសេសមួយជាមួយ ក្រុមការងារ តារាញូស៍ ចាន់ឡា បានបញ្ជាក់បន្ថែមថា រូបគាត់ក៏មានគំរោងរៀបការផងដែរ តែនៅពេលដែលគាត់ជោគជ័យក្នុងអាជីពសិល្បៈ មានលុយ និងជួយពុកម៉ែបានសិន បានដឹកដៃគ្នាចូលរោងការតាមក្រោយ។

ចំពោះ គូស្នេហ៍ លៀង ចាន់ឡា មានឈ្មោះ សិទ្ធ ភារុន មានមុខមាត់សង្ហាណាស់ វ័យទើបតែ ១៨ ឆ្នាំ ដូច ចាន់ឡា ដែរ។ ដើម្បីជ្រាប កាន់តែច្បាស់បន្ថែមទៀត សូមទស្សនាកិច្ចសម្ភាសន៍ខាងក្រោមនេះ ៖