តោះមកមើលពីសម្រស់ដ៏ស៊ិចស៊ីរបស់កីឡាករិនីល្បីឈ្មោះ ស៊ន សៀវម៉ី

(ភ្នំពេញ) ៖ កីឡាការិនីតៃក្វាន់ដូមានកេរ្តិ៍ឈ្មោះល្បីល្បាញដែលទទួលបានមេដៃមាសដំបូងគេ នៅក្នុងប្រទេសកម្ពុជា កាលពីឆ្នាំ២០១៦ កន្លងទៅនេះ កញ្ញា ស៊ន សៀវម៉ី បានធ្វើឱ្យអ្នកគាំទ្រលួចសរសើរ និងលង់សម្រស់នាងមិនស្ទើរទេ ព្រោះកន្លងមកប្រិយមិត្តធ្លាប់តែឃើញនាងគ្រងឈុតកីឡាប្រកួត តែពេលនេះនាងបញ្ចេញដងខ្លួនយ៉ាងសិចស៊ី ជាមួយនឹងឈុតសម្លៀកបំពាក់បែបថ្មី។

កាលពីពេលថ្មីៗនេះ ស្រីស្អាតនៅក្នុងវិស័យកីឡាការិនីតៃក្វាន់ដូរូបនេះ បានធ្វើអោយអ្នកគាំទ្រលង់នឹងសម្រស់របស់នាងយ៉ាងខ្លាំង ទៅលើការបង្អួតសាច់សខ្ទី ឃើញដើមទ្រូងយ៉ាងស្អាតម៉ត់ខៃ ក្នុងឈុតហាត់ប្រាណ ដែលកាន់តែបង្ហាញពីរូបរាងដ៏ខ្ពស់ស្រឡះ ជើងស្រឡូន សិចស៊ី និងសម្រស់ពីធម្មជាតិរបស់នាង ដែលមើលទៅគឺនាងពិតជាស្រស់ស្អាតមិនធម្មតា មើលសឹងតែមិនស្គាល់ថាជានាង ស៊ន សៀវម៉ី នារីជើងកន្ត្រៃហោះដែលស្លៀកឈុតកីឡារលុងៗវាយបោកគ្នានៅលើសង្វៀនកីឡានោះ ។ កាន់តែខ្លាំងថែមទៀត ពីព្រោះកញ្ញា ស៊ន សៀវម៉ី កម្រនឹងបង្ហាញរូបរាងបែបនេះទៅដល់មហាជនណាស់។ នៅក្នុងនោះផងដែរ ក៏មានអ្នកគាំទ្រមួយចំនួនបានសរសើរ និងកើតចិត្តច្រណែនចង់បានរូបរាងដូចជានាងដែរ ជាពិសេសជារូបរាងមួយនៅក្នុងក្តីស្រម៉ៃ របស់បុរសៗមួយចំនួនចង់បានផងដែរ ហើយក៏មានអ្នកខមមិនបែបលេងសើចថា « ស្អាតយ៉ាងណាក៏មិនហ៊ានដែរ ពីព្រោះមានគូដំណឹងបាត់ទៅហើយ» ។

គួរបញ្ជាក់ផងដែរថា កញ្ញា ស៊ន សៀវម៉ី បានបញ្ចប់ភាពនៅលីវរបស់នាង ដោយទើបតែបានភ្ជាប់ពាក្យជាមួយនឹង កម្លោះសង្ហារ កែវ ដេវីត កាលពីពេលថ្មីៗនេះ ទៅតាមប្រពៃណីឱ្យចាស់ទុំដឹងឮទាំងសងខាង៕