ប្រធានសិល្បករខ្មែរ អ្នកនាង ច័ន្ទលក្ខិណា បំភ្លឺរឿងតារា Tik ToK សុខា

(ភ្នំពេញ) ៖ កាលពីពេលថ្មីៗនេះ ចន ច័ន្ទលក្ខិណា ដែលជាប្រធានសមាគមសិល្បៈបានចេញវីដេអូ ដើម្បីបង្ហាញថា អ្វីជាតារា Tik Tok និងតារាសិល្បៈអាជីព។ ការធ្វើឡើងនេះ តបទៅនឹងព័ត៌មានផ្ទុះកក្រើកជុំវិញតារាហ្វេសប៊ុក សុខា សុខា ដែលខ្លះ គាំទ្រខ្លះមិនគាំទ្រ។

បើតាមរឿងរ៉ាវកើតមានរវាងសុខា មួយរយៈនេះ ផ្ទុះខ្លាំង ក្រោយពីប៉ះទង្គិចគ្នាជាមួយអ៊ឹម ជីវ៉ា និងម៉ាដូណា។ ម្នាក់ៗសម្តែងការហួសចិត្តរឿង សុខា ដែលមិនឱ្យតម្លៃអ្នកជួយខ្នះខ្នែង និងបែរជាវាយបកទៅវិញ។ ម្ល៉ោះហើយទើបធ្វើឱ្យ អ្នកខ្លះមិនពេញចិត្តអ្វីដែល សុខា បង្ហាញមក។ អ្នកនាង ចន ច័ន្ទលក្ខិណា បាននិយាយក្នុងវីដេអូ តប និងចំណុចទាំងអស់នេះថា « ក្លាយជាអ្នកសិល្បៈ មិនមែន ជារឿងងាយទេ ។ ត្រូវឆ្លងកាត់ការរៀន ការពិនិត្យល្អិតល្អន់ ឬប្រឡង។ អ្នកសិល្បៈ អាចមានឈ្មោះ បានទាល់តែប្រើពេល៣ឆ្នាំ»។ ចំពោះ សុខា វិញ គ្រាន់តែជាតារាហ្វេសប៊ុកល្បីតាម Tik Tok មានអ្នកគាំទ្រ ឬមិនគាំទ្រ។ បើមើលលើចរិកលក្ខណៈ សុខា នៅមិនទាន់ឆ្លើយតបបានថា ជាអ្នកសិល្បៈនោះទេ។ ដូចនេះ សូមបងប្អូន មេត្តាជ្រាបនូវការស្រាយពន្យល់ពេលនេះផងចុះ»៕