(កំពង់ឆ្នាំង)៖ ឃាត់ខ្លួនក្រុមក្មេងទំនើងដែលដេញកាប់គ្នាដូចរឿងហុងកុងបាន ០២នាក់ហើយ

(កំពង់ឆ្នាំង)៖ ក្រុមក្មេងទំនើងមួយបង្កការអុកឡុកវ៉ៃកាប់ចាក់គ្នាក្នុងពិធីបុណ្យចូលឆ្នាំងថ្ងៃទី០៣។ ហេតុការណ៍ភ្ញាក់ផ្អើលរត់ជាន់ជើងគ្នានេះកើតឡើងនៅរសៀល ថ្ងៃទី១៦ ខែមេសា ឆ្នាំ២០១៩ ស្ថិតនៅក្នុងភូមិឧកញ៉ាប៉ាង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។

ប្រភពព័ត៌មានបានឲ្យដឹងថា មុនពេលកើតហេតុមានបងប្អូនប្រជាពលរដ្ឋ ភ្ញៀវជាតិនិងអន្តរជាតិបានមកលេងកម្សាន្តក្នុងតំបន់វត្តត្រឡែងកែង ហើយក៏ស្រាប់តែមានក្រុមក្មេងស្ទាវពីក្រុមមានទំនាស់ពាក្យសម្តីគ្នាបានផ្ទុះចេញជាទំនាស់អំពើហិង្សាដេញកាប់ចាក់គ្នាវក់វីធ្វើអោយភ្ញៀវ និងប្រជាពលរដ្ឋដែលមកលេងកំសានផ្អើលឆោឡោរត់ជាន់គ្នាព្រាត ។

លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំងបានឲ្យដឹងតាមទូរស័ព្ទនៅ ថ្ងៃទី១៨ ខែមេសា ឆ្នាំ២០១៩​នេះថា ក្រុមក្មេងទំនើងដែលបង្ករឿងទាំងនេះ ខាងសមត្ថកិច្ចបានធ្វើការចាប់ឃាត់ខ្លួនចំនួន ០២នាក់ហើយ។ ហើយពេលនេះសមត្ថកិច្ចកំពុងបន្តតាមចាប់បក្ខពួកបន្ថែមទៀត៕

អត្ថបទ៖ សីហា

(ព័ត៌មានខាងលើយោងទៅតាមផេករបស់អគ្គស្នងការនគរបាលជាតិ)