ប៉ៃលិន៖ ម៉ូតូបុកគ្នាបណ្តាលឲ្យមនុស្ស ០៣នាក់រងរបួស
ប៉ៃលិន៖ កាលពីវេលាម៉ោង២២និង១៥នាទីយប់ ថ្ងៃទី១៧ ខែមេសា ឆ្នាំ២០១៩ មានគ្រោះថ្នាក់ចរាចរណ៍មួយបានកើតឡើងរវាងម៉ូតូបុកជាមួយម៉ូតូបណ្តាលឲ្យមនុស្ស៣នាក់រងរបួសធ្ងន់ស្រាលនៅចំណុចមុខសណ្ឋាគារសួនរីករាយ ស្ថិតក្នុងភូមិខ្លុង សង្កាត់ប៉ៃលិន ក្រុងប៉ៃលិន។
មន្ត្រីនគរបាលខេត្តប៉ៃលិន បានឲ្យដឹងថាជនរងគ្រោះទី១-ឈ្មោះ ម៉ៅ សំអាត ភេទប្រុស អាយុ១៨ឆ្នាំ មុខរបរកម្មករ រស់នៅភូមិតាគ្រក់ ឃុំត្រែង ស្រុក រតនមណ្ឌល ខេត្តបាត់ដំបង របួសធ្ងន់ សម្រាកព្យាបាលនៅគ្លីនិកខេមរះ។ បើកបរម៉ូតូម៉ាក Honda Dream C125 ពាក់ស្លាកលេខ ប៉ៃលិន 1A-0336 ខូចខាតធ្ងន់ ទី២-ឈ្មោះ សុទ្ធ វិឆៃ ភេទប្រុស អាយុ១៩ឆ្នាំ មុខរបបរជាកម្មករ រស់នៅភូមិតាគ្រក់ ឃុំត្រែង ស្រុករតនមណ្ឌល ខេត្តបាត់ដំបង ជាអ្នករួមដំណើរ របួសស្រាល និងទី៣-ឈ្មោះ ស្រេង ខេង ភេទប្រុស អាយុ៥៥ឆ្នាំ រស់នៅភូមិដីក្រហម សង្កាត់អូរតាវ៉ៅ ក្រុងប៉ៃលិន របួសធ្ងន់ បញ្ជូនទៅមន្ទីរពេទ្យខេត្តបាត់ដំបង។ បើកបរម៉ូតូម៉ាក Honda Dream C125 ពាក់ស្លាកលេខ ប៉ៃលិន1A-5659 ខូចខាតធ្ងន់។
មន្ត្រីនគរបាលដដែលបន្តថា មូលហេតុបណ្តាលមកពីកត្តាមនុស្សបើកបរមិនប្រកាន់ស្ដាំ។ ក្រោយកើតហេតុអ្នករបួសត្រូវបានសមត្ថកិច្ចបញ្ជូនទៅព្យាបាលនៅមន្ទីរពេទ្យ ចំណែកមធ្យោបាយពាក់ព័ន្ធ ត្រូវបានកម្លាំងជំនាញវាស់វែងយកមករក្សាទុកនៅអធិការដ្ឋានដើម្បីដោះស្រាយតាមនីតិវិធី ៕
អត្ថបទ៖ សីហា
(ព័ត៌មានខាងលើយោងទៅតាមផេករបស់អគ្គស្នងការដ្ឋាននគរបាលជាតិ)
