តារាសម្តែងស្រី សម ម៉ាណា ប្រែបែបណា ក្រោយពេលវិលវិញ?

(សិល្បៈកម្សាន្ត)៖ ធ្លាប់តែជាតារាមានឈ្មោះក្នុងសង្គមសិល្បៈ សម ម៉ាណា ហាក់នៅទ្រឹងបន្ទាប់ពីនាងបន្តចូលសិល្បៈ ។ យ៉ាង ណាមិញ សម ម៉ាណា នៅមិនទាន់ ឃើញបង្ហាញស្នាដៃថតរឿងណាដូចមុន ក្រៅពីដើរម៉ូដ និងកម្មវិធីហ្គេម មួយចំនួន។ នេះប្រហែលជា នាងព្រលែងឱកាស កាលពីពេលកន្លងទៅ ទើបបាត់ទីផ្សារច្រើនបែបនេះ។

តារា សម្តែង រាងស្អាត សម ម៉ាណា ដែលធ្វើអោយទស្សនិកជន មានការចាប់អារម្មណ៍បាននឹងបន្តការបង្ហាញវត្តមាននៅក្នុងសិល្បៈ។ នាងបានបាត់វត្តមានសិល្បៈមួយរយៈ ប៉ុន្តែការវិលមកវិញរបស់ សម ម៉ាណា ហាក់មិនដូចដើម បើទោះជាសិល្បៈនាងមានការងារធ្វើ ពេញដៃបែបណា។ សម ម៉ាណា បើរំលឹកពី ប៉ុន្មានឆ្នាំមុន គឺទទួលបានប្រជាប្រិយភាពគាប់ប្រសើរ នៅលើសិល្បៈ។ នាងទទួលឱកាសថតភាពយន្ត ខ្នាតធំៗជាច្រើន អោយ អ្នកដឹកនាំល្បីឈ្មោះ ហ្វៃ សំអាង និងថត ខារ៉ាអូខេ។ នេះនៅមិនទាន់ គិតអំពី រឿង មានឱកាស ក្លាយ ជាសមាជិក ក្រុម ចម្រៀង រៃមាស នោះឡើយ។ គ្រានោះហើយទើប គ្រប់គ្នា ស្គាល់នាង ហើយសម្រស់ របស់ ម៉ាណាវិញ ស្អាតផូរផង់ កន្លង់តាមចោមណាស់។ ទោះបី ជាយ៉ាងណា មកទល់ ពេលនេះ សម ម៉ាណាហាក់ បាក់ប្រជាប្រិយភាព ព្រោះ មុននេះនាងបាត់មុខ បណ្តោយអោយគេដណ្តើមទីផ្សារ។ 

បើមើលទៅលើជីវភាពរបស់នាងនៅតែរស់នៅ ក្នុងភាពល្អមិនចាញ់គេឯង មានផ្ទះវិឡាឡានទំនើប របស់ប្រើ ម៉ាកប្រ៊េនៗ។ ជាពិសេស មានឱកាសដើរ លេង កម្សាន្តតាម ប្រទេសមួយចំនួន។ ខុសតែម្យ៉ាង នៅមិនទាន់ប្រកាសអោយគេដឹងថា មានគូ ឬជាប់ពាក់ព័ន្ធជាមួយបុរសណាឡើយ៕