ក្រោយត្រូវដំបង K01 ថា Love Riya ថោកមិនទទួលស្គាល់កំហុសខ្លួន ឥឡូវនាង ចេញវីដេអូសុំទោស និងទទួលស្គាល់កំហុសហើយ

(ភ្នំពេញ)៖ កាលពីប៉ុន្មានថ្ងៃមុននេះអ្នកលក់ឡេតាមអនឡាញល្បីឈ្មោះអ្នកនាង Love Riya ត្រូវបានអ្នកមហាជនរិះគន់យ៉ាងចាស់ដៃថា មានរថយន្តទំនើបម៉ាក RollRoyce ជិះហើយបែរជាជិះទៅចតនៅមុខព្រះបរមរាជវាំងគ្មានដឹងឆ្វេងដឹងស្ដាំធ្វើឲ្យស្ទះចរាចរណ៍ពេញផ្លូវតែម្ដង។

ទោះបីជាមានការរិះគន់ពាសពេញបណ្ដាញទំនាក់ទំនងសង្គមហ្វេសប៊ុកក្ដី តែមើលទៅ Love Riya ហាក់បីដូចជាមិនទទួលស្គាល់កំហុសឡើយ នាង បែរជាអង្គុយLive វីដេអូជេរអ្នកដែលថតវីដេអូខ្លួនចតឡានយកទៅបង្ហោះថា៖” ខ្ញុំសូមផ្ដាំទៅអ្នកពូកែទើសមួយចំនួន តៃកុងឡានខ្ញុំគាត់មិនបានចតនៅត្រង់ហ្នឹងទេ គឺគាត់បតឡានមកខ្ញុំព្រោះមិនចង់ឲ្យខ្ញុំដើរឆ្លងថ្នល់។ដើរធ្វើបុណ្យរាប់ភ្លេចខុសម្ដងនាំគ្នាចាប់កំហុសណាស់ អំពើរល្អមើលមិនឃើញទេ”។

ការ Live វីដេអូមិនទទួលស្គាល់កំហុសរបស់ Love Riya បានធ្វើឲ្យ K01 អត់ទ្រាំមិនបាន ភ្លាមៗនោះលោកក៏ចេញមុខLive វីដេអូដាក់ទៅអ្នកលក់ឡេល្បីឈ្មោះជិះរថយន្ត Roll Royce ថា៖” ថាតៃកុងឡានទៅវាថោកហើយ តែម្ចាស់ឡានRoll Royce នេះវាថោកជាងស្អីទៀត។ នេះគឺជាការចតឡានរបស់គាត់ គិតថាខ្លួនឯងត្រូវទៀតម៉ែអើយ ស្ទះគេស្ទះឯងឬអាងសន្តិសុខប៉ុន្មាននាក់ហ្នឹងមកធ្វើចរាចរណ៍។ ខ្ញុំសូមផ្តាំទៅសន្តិសុខបន្ដិចអស់លោក ប្រសិនបើឡានគេធម្មតាអត់ឲ្យគេចតទេ ទាល់តែRoll Royce បែបនេះកុំថាចតបណ្ដោយផ្លូវចតបញ្ច្រាស់ផ្លូវក៏សន្តិសុខឲ្យចតដែរ កំហុសមួយទៀតគឺខុសសន្តិសុខ”។ ក្រោយឃើញ K01 ចេញមុខរិះគន់មិនទុកស្អែក Love Riya ក៏បានចេញមុខ Live វីដេអូឆ្លើយតបទៅវិញថា ៖”ខ្ញុំសូមទទួលស្គាល់កំហុស ដែលបានចតឡានបញ្រ្ចាស់ទិស ប៉ុន្ដែខ្ញុំសូមធ្វើការវែកញែកហេតុផល កុំអោយមនុស្សខ្លះ (ខ្លួនមនុស្សសម្ដីឆ្កែ មាត់ឆ្កែ ចរិកឆ្កែ មាយាទឆ្កែ) អត់មានករណីលើកលែង អត់គិតថាពេលហ្នឹង គេកំពុងតែមានរឿងអ្វីកើតឡើង ហើយពេលហ្នឹង អ្នកឯងកំពុងតែនៅកន្លែងកើតហេតុហ្នឹង ឬអត់? អ្នកឯង សុទ្ធតែនិយាយដាក់គេថា៖ Roll Royceឥលូវពេលនេះខ្ញុំ សូមតបទៅកាន់លោកពូ K01 ខ្ញុំដាក់ចំឈ្មោះអ៊ីចឹងហ្មងហើយសុំជួយស៊ែរឲ្យគាត់បានឃើញផង ដើម្បីឲ្យគាត់បានចូលមើលផង”៕