(កំពង់ស្ពឺ)៖ សមត្ថកិច្ចចាប់ឃាត់ខ្លួនបុរសម្នាក់ករណីលួចកន្ទុយរឺម៉ក(អាតុតុ)គេ
(កំពង់ស្ពឺ) ៖ កាលពីថ្ងៃទី១៧ ខែមេសា ឆ្នាំ២០១៩ វេលាម៉ោង ០២:៣០នាទី កងកម្លាំងនគរបាលរដ្ឋបាលព្រះនិពាន្វ បានសហការជាមួយកងកម្លាំងនគរបាលរដ្ឋបាលអន្លង់រមៀត ស្រុកកណ្តាលស្ទឺង ខេត្តកណ្តាល បានធ្វើការចាប់ឃាត់ខ្លនជនសង្ស័យម្នាក់ឈ្មោះ ចន សាន ភេទប្រុស អាយុ៣៨ឆ្នាំ នៅចំណុចខាងជើងស្ពានដើមត្រាងឃុំអន្លង់រមៀត ស្រុកកណ្តាលស្ទឹង ខេត្តកណ្តាល ពាក់ព័ន្ធទៅនឹងករណីលួចកន្ទុយរឺម៉ក(អាតុតុ) របស់ឈ្មោះ មាស សុភិន ភេទប្រុស អាយុ៤៧ឆ្នាំ រស់នៅនៅ ភូមិភានសា ឃុំព្រះនិព្វាន ស្រុកគងពិសី ខេត្ដកំពង់ស្ពឺ។
តាមការបញ្ជាក់ពីនគរបាលជំនាញថាមុខសញ្ញាសង្ស័យខាងលេីនេះ គឺធ្វើសកម្មភាពជិះម៉ូតូដែលមានឧបករណ៍អូសរឺម៉កស្រាប់ ពេលជិះតាមភូមិឃេីញរឺម៉កតុតុ ទុកចោលគឺធ្វើសកម្មភាពចូលលួច យកតែម្ដង មកដាក់ជាមួយម៉ូតូខ្លួន។
ក្រោយទទួលបានព័ត៌មានពីម្ចាស់ បានធ្វើការសុំអន្ដរាគមន៍ពីនគរបាល ទេីបកិច្ចសហការបង្រ្កាបបានភ្លាមៗតែម្ដង ដោយសារការផ្ដល់ដំណឹងបានរហ័សទាន់ពេលវេលា ក្នុងនោះសមត្ថកិច្ចដកហូតបានសម្ភារៈ
១-ម៉ូតូម៉ាកC100 សង់កូរ៉េពណ៍ក្រហម គ្មានស្លាកលេខ ០១គ្រឿង។
២-កន្ទុយរឺម៉កអាតុតុ ០១គ្រឿង របស់ជនរងគ្រោះ
៣-ម៉ាស៊ីនត្រជាក់ ០១ ឈុត
៤-ទូរស័ព្ទដៃ ម៉ាក ណូគា ០១គ្រឿង
៥-សោរប្រភេទ ម៉ាឡេត ០១
៦-ដែកកាប់ ០១
បច្ចុប្បន្នជនសង្ស័យត្រូវបានបញ្ជូនទៅកាន់ការិយាល័យ ជំនាញខេត្តដើម្បីធ្វើការសាកសួរ និងកសាងសំណុំរឿង ដេីម្បីចាត់ការតាមនីតិវិធីច្បាប់៕
អត្ថបទ៖ សីហា
(ព័ត៌មានខាងលើយោងតាមផេកផ្លូវការរបស់ស្នងការដ្ឋាននគរបាលខេត្តកំពង់ស្ពឺ)
