Peter Crouch ថា បើលក់ Eden Hazard ចេញនោះ Chelsea គ្មានសល់អីទៀតទេ
(អង់គ្លេស)៖ Peter Crouch អតីតខ្សែប្រយុទ្ធអង់គ្លេស ថា Chelsea ត្រូវធ្វើយ៉ាងណា ទុកកីឡាករ Eden Hazard ឱ្យបាន ប្រសិនណាបើពួកគេពិតជាចង់ប្រកួតប្រជែងពានរង្វាន់ជាមួយក្រុមដទៃផ្សេងៗទៀតនោះ។
ថ្មីៗនេះក្លឹបយក្សអេស្ប៉ាញ Real Madrid ជាបេក្ខភាពឈានមុខគេក្នុងការទិញនាំយកកីឡាករសញ្ជាតិបែលហ្ស៊ិក Eden Hazard ពីក្រុម Chelsea ក្នុងតម្លៃខ្លួនប្រមាណជា១០០លានផោន។ Hazard ត្រូវបានគេដឹងច្បាស់ថាចង់ទៅលេងនៅ Real Madrid ណាស់ ព្រោះប៉ុន្មានឆ្នាំមកហើយ រូបគេតែងបង្ហើបពីគោលបំណងក្នុងការផ្លាស់ទៅលេងនៅអេស្ប៉ាញរហូត។ ខណៈដែលរដូវកាលថ្មីខាងមុខនេះ ប្រហែលជាក្ដីស្រមៃរបស់គេ បានសម្រេចហើយ ។
Peter Crouch បានបញ្ចេញចំណាប់អារម្មណ៍ថា ប្រសិនបើ Chelsea លក់ Hazard មែន នោះតោខៀវ Chelsea នឹងខាតបង់ធំមិនខាន បើទោះជាលក់បានតម្លៃប៉ុន្មានក៏ដោយ។ ពួកគេនឹងបាត់បង់ឱកាសក្នុងការប្រជែងជាមួយក្រុមផ្សេងទៀតនៅលីគកំពូលអង់គ្លេស ព្រោះថាបច្ចុប្បន្ននេះ Hazard មានទម្រង់លេងលេងល្អដូចទៅនឹងកំពូលកីឡាករក្នុងលោកទៅហើយគឺ Messi និង Ronaldo ៕
