មានការចាប់ខ្លួនជនបង្ករ ១៤០ នាក់មុនការប្រកួតបាល់ទាត់ juventus VS Ajax
ប៉ូលិសហូល្លង់ចាប់ខ្លួនអ្នកគាំទ្របាល់ទាត់ចំនួន ១៤០នាក់ នៅក្នុងទីក្រុងអាស្ត៊ែរដាំ នៅមុនការប្រកួតវគ្គ ៨ក្រុមចុងក្រោយនៃ UEFA Champions League រវាងក្លឹប Ajax និងក្លឹប Juventus កាលពីថ្ងៃពុធ ម្សិលមិញនេះ។
/5caf1ab2b51b4_1554979500_large.jpg)
បើតាមរបាយការណ៍របស់ប៉ូលិសបានឲ្យដឹងថា អាជ្ញាធរបានរឹបអូសយកអាវុធ និងកាំជ្រួចមួយចំនួន កំឡុងពេលចលាចលនៅក្បែរកីឡដ្ឋាន Johan Cruyff កាលពីថ្ងៃពុធកន្លងទៅ។
ក្រុមប៉ូលិសបានរកឃើញវត្ថុតាងមួយចំនួនដូចជា ដំបង ដងទង់ជាតិ និងញញួរ ដែលអ្នកគាំទ្រប្រើប្រាស់ក្នុងការបង្កចលាលចល។
អ្នកគាំទ្រខ្លះត្រូវបានចាប់ខ្លួននៅស្ថានីយរថភ្លើងរបស់កីឡដ្ឋានដែលជាទឹកដីរបស់ Ajax និងអ្នកខ្លះទៀតចាប់ខ្លួននៅក្បែរនឹងកីឡដ្ឋានតែម្ដង។
ប៉ូលិសហុល្លង់បាននិយាយថា សហការជាមួយនឹងអាជ្ញាធរអ៊ីតាលីក្នុងការវែកមុខជនបង្ក ដោយក្នុងនោះ គេរកឃើញថាអ្នកគាំទ្រទាំងនោះភាគច្រើនជាអ្នកគាំទ្រជនជាតិអ៊ីតាលី (គាំទ្រក្លឹប Juventus) ហើយពួកគេក៏បានបាញ់ទឹកបំបែកហ្វូងអ្នកគាំទ្រក្លឹបម្ចាស់ផ្ទះ ដែលជាប់ពាក់ព័ន្ធក្នុងរឿងនេះផងដែរ។
អត្ថបទ៖ ពេជ្រ គឹមស្រ៊ិន
