លោកOle ថានឹងវាយបកយកឈ្នះ Barca វិញនៅក្រៅដីលោកអោយ មើល PSG ជាគំរូទៅ
អ្នកចាត់ការក្លឹប Manchester United លោក Ole Gunnar Solskjaer ជឿជាក់ថា ការវាយបកនៅ Champions League ក្នុងដី Barcelona នឹងក្លាយជាការសម្រេចគោលដៅធំមួយ ជាងវគ្គ១៦ក្រុមចុងក្រោយពេលឈ្នះ PSG។
United នឹងត្រូវហោះហើរទៅកាន់ Camp Nou ក្រោយចាញ់ជើងទីមួយក្រុមដីខ្លួនឯងលទ្ធផល ១-០ វគ្គ៨ក្រុមចុងក្រោយ។ ការធ្វើឲ្យចូលទីខ្លួនឯងរបស់ Luke Shaw នាទីទី១២ បានធ្វើឲ្យ United បរាជ័យក្នុងផ្ទះ។ យ៉ាងណាក្ដីលោក Solskjaer និយាយថា បិសាចក្រហមអាចវាយបកយកឈ្នះវិញ ដូចអ្វីដែលពួកគេធ្លាប់ធ្វើដាក់ PSG។
និយាយក្រោមចប់ការប្រកួត Ole លើកឡើងថា៖ “ប្រាកដណាស់ កាលលេងជាមួយ PSG បានផ្ដល់ឲ្យពួកយើងមានក្ដីសង្ឃឹម និងជឿជាក់ថាពួកយើងអាចធ្វើបាន។ ប៉ុន្តែពួកយើងដឹងថា យើងលេងទល់នឹងក្រុមដែលគេគិតថានឹងឈ្នះពាន។ វានឹងក្លាយជាការសម្រេចគោលដៅដ៏ធំមួយ និងឈ្នះម្ដងទៀត ព្រោះតែប្រវត្តិសាស្ត្រនៃ Barcelona ពួកគេមិនធ្លាប់ចាញ់ក្នុងផ្ទះទេ ប៉ុន្តែពួកយើងអាចធ្វើបានចាំមើលទៅ”៕
