De Jong លេងល្អមែនយប់មិញ ជាប់ Man of The Match
De Jong បានបង្ហាញសមត្ថភាពល្អមែនទែន ក្នុងការប្រកួតទល់ក្រុម Juventus នាវគ្គ៨ក្រុមចុងក្រោយពានរង្វាន់ UEFA Champions League ជើងទី១ នៅទឹកដីហូល្លង់។
ត្បិតមិនអាចរកគ្រាប់បាល់បានមែន ប៉ុន្តែកីឡាករវ័យ២១ឆ្នាំ ៣៣៣ថ្ងៃនេះ បានញាក់បាល់ជោគជ័យ១០០% ប៉ះបាល់បាន១១៧ដង បញ្ជូនជោគជ័យបាន៩០% និងដណ្ដើមបាល់បានជោគជ័យ៧៥%។ ស្ថិតិធ្វើបានល្អក្នុងការប្រកួតនេះហើយ បានធ្វើឱ្យ De Jong ជាប់ឈ្មោះជា Man of The Match បើទោះជារូបគេមិនអាចរកគ្រាប់បាល់បានក៏ដោយ។
កីឡាករដែលនឹងទៅលេងនៅក្លឹប Barcelona រដូវកាលក្រោយ ធ្លាប់បាននិយាយថារូបគេចង់លេងទល់ Ronaldo ក្នុងទីលាន ហើយយប់មិញនេះគឺបំណងប្រាថ្នារបស់ខ្លួនបានសម្រេចហើយ។ ដោយឡែកលទ្ធផលវិញ ក៏មិនអាក្រក់ដែរ ពោលគឺ Ajax លេងគ្របទៅលើ Juventus ដោយព្យាយាមស៊ុតច្រើន បង្កើតឱកាស ប៉ុន្តែសំណាងមិនទាន់មកដល់ រកបានត្រឹម១គ្រាប់ស្មើគ្នាប៉ុណ្ណោះ។
អត្ថបទ៖ ពេជ្រ គឹមស្រ៊ិន
