ការប្រកួតយប់មិញគេបិតMessi ឡើងហូរឈាម
ថ្ងៃទី ១១ ខែមេសា ឆ្នាំ២០១៩ ម៉ោង 11:58PM
ក្រុម Barcelona បានយកឈ្នះលើក្រុម Manchester United ក្នុងលទ្ធផល ១-០ ដែល១គ្រាប់នេះកើតឡើងដោយបាល់ចូលទីខ្លួនឯងរបស់កីឡាករ Luke Shaw ។
មុនការប្រកួតជើងទី១នេះចាប់ផ្ដើម ក្រុមកីឡាករបិសាចក្រហមបានបញ្ជាក់ថាខ្លួនពេញចិត្តក្នុងការបានលេងទល់ក្រុមខ្លាំងដូចជា FC Barcelona ។ ដោយឡែកក្នុងដែរ Smalling ខ្សែការពារម្នាក់ក៏និយាយទៀតថារូបគេសំណាងណាស់នារដូវកាលនេះ ដែលបានបិទកីឡាករកំពូលៗជាច្រើន ហើយរាត្រីនេះរូបគេនឹងត្រូវបិទ Messi ដែលជាខ្សែប្រយុទ្ធល្បីខាងញាក់ដាច់ផឹងៗនោះទៀត។
ជាក់ស្ដែង ក្នុងការប្រកួតចូលមកដល់នៅយប់មិញនេះ Smalling ពិតជាអាចបិទបានមែន មិនឱ្យ Messi បន្ដរកគ្រាប់បាល់បាននោះទេ។ ហើយការបិទរបស់កីឡាករអង់គ្លេសរូបនេះក៏កាន់តែសាហាវថែមទៀត ដោយធ្វើឱ្យ Messi ស្រក់ឈាមនៅទឹកដី Old Trafford បាន។ កីឡាករអាហ្សង់ទីន បែកច្រមុះ ក្រោយពីត្រូវ Smalling ហក់ដណ្ដើមបាល់ ហើយអមជាមួយកែងមកទៀតនោះ។
យ៉ាងណាមិញនេះ លទ្ធផលឈ្នះ ១-០ នេះ គឺត្រូវបានអ្វីដែលក្រុមអ្នកមានបុណ្យគ្រោងទុកហើយ ព្រោះមុនប្រកួតពួកគេបញ្ជាក់ថានឹងស្វែងរកលទ្ធផលមានគ្រាប់ក្រៅដីឱ្យបាន៕
អត្ថបទ៖ ពេជ្រ គឹមស្រ៊ិន
