BREAKING NEWS:ថ្ងៃនេះក្រសួងសុខាភិបាលប្រកាសថា អ្នកជំងឹកូវីដចំនួន២នាក់ទៀត បានជាសះស្បើយ និងមិនមានករណីឆ្លងថ្មីទេ
(ភ្នំពេញ)៖ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល ប្រកាសនៅព្រឹកថ្ងៃទី២៧ ខែមេសា ឆ្នាំ២០២០នេះឲ្យដឹងថា អ្នកជំងឹកូវីដចំនួន២នាក់ទៀត បានជាសះស្បើយ សរុបអ្នកជាសះស្បើយកើនដល់១១៩នាក់ នៅសល់តែ៣នាក់ទៀតប៉ុណ្ណោះ មិនមានករណីឆ្លងថ្មីទេ។
ទិន្នន័យផ្លូវការរបស់ក្រសួងសុខាភិបាលចំនួនអ្នកឆ្លង អ្នកជាសះស្បើយកូវីដ-១៩នៅព្រឹកថ្ងៃទី ២៧ខែមេសា ឆ្នាំ២០២០ នេះ
-អ្នកជាសះស្បើយថ្មីចំនួន ២នាក់
-សរុបអ្នកជាសះស្បើយមានចំនួន ១១៩នាក់
-អ្នកបន្តព្យាបាលកូវីដ-១៩មានចំនួន ៣នាក់
-មិនមានបាត់បង់ជីវីត
-សរុបចំនួនអ្នកឆ្លងជម្ងឺកូវីដ-១៩ចាប់ពីខែមករា រហូតដល់បច្ចុប្បន្ននេះមានចំនួន ១២២ នាក់
ទន្ទឹមនឹងលទ្ធផលប្រកបដោយការរីករាយនេះ ក៏សូមបងប្អូនប្រជាពលរដ្ឋបង្កើនការប្រុងប្រយ័ត្នខ្ពស់ក្នុងការការពារបង្ការ និងទប់ស្កាត់ការឆ្លងជំងឺ Covid-19 នេះ។
ត្រូវចងចាំថា”យេីងអាចភ្លេចកូវីដ-១៩ តែកូវីដ-១៩ មិនភ្លេចយេីងទេ បេីយេីងធ្វេសប្រហែស។
បេីយេីងធ្វេសប្រហែសបុគ្គលគ្រប់រូបត្រូវបន្តការពារការចម្លងវីរុសកូវដ-១៩ ឲ្យបានខ្ជាប់ខ្ជួនជាបន្តទៀត បេីទោះបីជាស្ថានភាពជំងឺកូវីដ-១៩ នៅកម្ពុជា ហាក់ដូចជាមានភាពធូរស្បេីយខ្លះក៏ដោយ។
