ព្រឹត្តិការណ៍មិនធ្លាប់មានចាប់តាំងពីឆ្នាំ១៩៩៩មកប្រេងឆៅនៅអាមេរិកធ្លាក់ចុះជាង ១០%

(សហរដ្ឋអាមេរិក)៖ តម្លៃហ៊ុនប្រេង Futures របស់សហរដ្ឋអាមេរិកបានធ្លាក់ចុះកាលពីថ្ងៃចន្ទ ដល់កម្រិតមិនធ្លាប់មានចាប់តាំងពីឆ្នាំ១៩៩៩ ដែលបានបង្ហាញពីភាពទន់ខ្សោយនៃតម្រូវការ និងការព្រួយបារម្ភថាកន្លែងស្តុកប្រេងក្នុងស្រុកអាចហូរហៀរ។ នេះបើយោងតាមការដកស្រង់ដោយទីភ្នាក់ងារព័ត៌មាន Reuters។ 

តម្លៃប្រេងប្រភេទ WTI (CLc1) បានធ្លាក់ចុះ ២,៦២ ដុល្លារឬ ១៤ ភាគរយ មកនៅត្រឹម ១៥,៦៥ ដុល្លារក្នុងមួយធុង។ 

ចំណែកឯតម្លៃប្រេងប្រភេទ CLc2 បានធ្លាក់ចុះ ១,២៨ ដុល្លារឬ ៥,១ ភាគរយ មកនៅត្រឹម ២៣,៧៥ ដុល្លារក្នុងមួយធុង។ 

ប្រេងឆៅប្រភេទ Brent (LCOc1) ក៏ចុះដែរ ពោលគឺធ្លាក់ ២១ សេន ឬ ០,៨ ភាគរយ មកនៅត្រឹម ២៧,៨៧ ដុល្លារក្នុងមួយធុង៕