ខេម សម្តែងក្តីហួសចិត្តចំពោះបងប្អូនមួយចំនួន ដែលមកថតចំរៀងអបអរសាទរបុណ្យចូលឆ្នាំខ្មែរ មិនចេះរាំបទប្រពៃណីខ្មែរ ស្រាប់តែអ្នកនាង ខាត់ សុឃីម ពោលពាក្យថា…
កំពូលតារាចម្រៀសម្លេងស្អក លោក ខេម ជាប្រុសប្រចាំផលិតកម្មថោន បានសម្តែងការហួសចិត្តចំពោះយុវជនខ្មែរប្រុសស្រីមួយចំនួនតាមរយៈបណ្តាញសង្គមហ្វេសប៊ុក ដោយសរសេររៀបរាប់ថា៖
«ខ្ញុំឈរមើលពីលើឆាក ខ្ញុំមិនដឹងថាយ៉ាងម៉េចទេអោយសម ប្អូនៗប្រុសស្រីមួយចំនួនមកថតចំរៀងដើម្បីអបអរបុណ្យចូលឆ្នាំប្រពៃណីយខ្មែរ តែបែរជាមិនចេះរាំបទ ចង្វាក់រាំវង់។ ចូលឆ្នាំ២០១៩នេះសង្ឃឹមបងប្អូននិងចង់ចាំចង្វាក់ប្រពៃណីយយើងណា លើកស្ទួយឡើង កុំស្រលាញ់តែមាត់ត្រូវចូលរួមអនុវត្តន៍ផង អរគុណពុកម៉ែបងប្អូនគ្រប់គ្នា មានការខុសឆ្គងអោយខ្ញុំសូមទោសផង»។
ក្រោយពីឃើញការបង្ហោះរបស់លោក ខេម រួចមក តារាពហុជំនាញអ្នកនាង ខាត់ សុឃីត ក៏បានធ្វើការបញ្ចេញមតិទៅលើរឿងមួយនេះ ដោយអ្នកនាងបាន ស៊ែរហើយសរសេរថា៖ «វប្បធម៌ដ៏ថ្លៃថ្លារបស់ ជាតិយើងវានឹងផុតបន្តិចម្តងៗ ដោយសារខ្មែរ១ចំនួន បើបរទេសគេចេះថែជាង គឺ»។
នេះក៏ជាសារដាស់តឿន និងផ្តែផ្តាំផងដែរ សង្ឃឹមថាបងប្អូនក្មេងចាស់ប្រុសស្រី ជាពិសេសយុវជន យុវនារីខ្មែរដែលជាទំពាំងស្នងឬស្សី ដើម្បីចូលរួមហាត់រាំ ចង្វាក់ប្រពៃណីខ្មែរទាំងអស់គ្នា ក្នុងគោលបំណងថែរក្សា និងលើកកម្ពស់ចង្វាក់ប្រពៃណីជាតិយើង៕
អត្ថបទ កែវ ច័ន្ទសុផាវរុណ
