ត្រឹមតែ២៤ម៉ោង អាមរិក មានអ្នកស្លាប់រហូតដល់២ ១០៨ នាក់ ខណៈអ្នកឆ្លងសរុបឡើងដល់កន្លះលាននាក់

បរទេស៖​ យោងតាមរបាយការណ៌របស់សាកលវិទ្យាល័យ Johns Hopkins ត្រឹមតែរយៈពេល២៤ម៉ោង សហរដ្ឋអាមេរិក​ មានអ្នកស្លាប់លើស២០០០ នាក់ ដែលនេះគឺជាអត្រាតួរលេខស្លាប់ខ្ពស់ជាងគេប្រចាំពិភពលោក ដែលធ្វើឲ្យចំនួនអ្នកស្លាប់សរុបកើនដល់១ ៨៧៤៧នាក់។ នេះបើតាមការចុះផ្សាយរបស់សារព័ត៌មាន CNN នាព្រឹកថ្ងៃសៅរ៌ ទី១១ ខែមេសា ឆ្នាំ២០២០។

តួលេខនេះគឺសរុបករណីពីរដ្ឋទាំង ៥០ រួមទាំង District of Columbia និងទឹកដីផ្សេងទៀតរបស់សហរដ្ឋអាមេរិកក៏ដូចជាករណីអ្នកធ្វើមាតុភូមិនិវត្តន៍។ Wyoming គឺជារដ្ឋឬទឹកដីតែមួយគត់ដែលមិនបានរាយការណ៍ពីការស្លាប់ដោយសារជំងឺឆ្លងនេះ។

គួរជម្រាបថា បច្ចុប្បន្នប្រទេសអាមេរិក មានអ្នកឆ្លង Covid-19 សរុបចំនួន៥០២ ៨៧៦ករណី ខណៈអ្នកស្លាប់បានកើនដល់១ ៨៧៤៧នាក់ ហើយចំនួនអ្នកព្យាបាលជាសះស្បើយក៏បានឈានឡើងខ្ពស់ដែរមានរហូតដល់២៧ ៣១៤នាក់។ ហើយញូវយ៉ក គឺជាទីក្រុងដែលរងគ្រោះខ្លាំងជាង ៕