Smalling ត្រៀមខ្លួនរួចស្រេចដើម្បីបញ្ឈប់ Messi នៅ UCL
ថ្ងៃទី ០៩ ខែមេសា ឆ្នាំ ២០១៩ ម៉ោង 06:00PM
Chris Smalling ប្ដេជ្ញាថានឹងប្រឹងប្រែងឲ្យអស់លទ្ធផលដើម្បីទប់ស្កាត់កូនសោសំខាន់ Lionel Messi កុំឲ្យមានឱកាសពេល Manchester United ប៉ះ Barcelona ស្អែកនេះ។
ក្រុមលោក Ole Gunnar Solskjaer នឹងបើកទ្វារកីឡដ្ឋាន Old Trafford ស្វាគមន៍យក្សកាតាឡាន់ Barcelona ដែលមិនទាន់ស្គាល់ពាក្យថាចាញ់តាំងពីខែមករាមក ដោយ១៦ប្រកួតចុងក្រោយពួកគេឈ្នះ១១ និងស្មើ៥ដង។ Smalling ក្នុងនាមជាខ្សែការពារកណ្ដាលបានបង្ហាញទំនុកចិត្តក្នុងការទប់ស្កាត់ Messi ដែលជាម៉ាស៊ីនរកគ្រាប់របស់គូប្រជែង។
“ខ្ញុំមិនធ្លាប់លេងប្រកួតផ្លូវការទល់នឹង Messi ក៏ពិតមែនប៉ុន្តែពួកយើងធ្លាប់ជួបគ្នានៅពានកម្ដៅសាច់ដុំ និង ការប្រកួតមិត្តភាព។ ខ្ញុំនឹងព្យាយាមរារាំងមិនឲ្យ Messi មានឱកាសព្រោះគ្រប់គ្នាសុទ្ធតែដឹងថារូបគេខ្លាំងប៉ុនណា។ មិនមែនតែ Messi មួយទេដែលត្រូវបារម្ភគឺក្រុម Barca ទាំងមូលសុទ្ធសឹងប្រជុំដោយកីឡាករកំពូលៗ”។ Smalling បញ្ជាក់៕
