ដល់កម្មវិធីកាត់សក់ហើយ ស្រាប់តែខ្យល់កន្ត្រាក់កួចប៉ើងរោងការ
ពោធិ៍សាត់ ៖ រឿងរ៉ាវហួសចិត្តអាណិតអាសូរចំពោះគ្រួសារមួយដែលកំពុងរៀបចំមង្គលការបែរជាត្រូវខ្យល់កន្ត្រាក់ផាត់រោងប៉ើងខ្ទេច និងបានធ្វើឲ្យផ្អើលអស់អ្នកផងនេះកើតឡើង កាលពីវេលាម៉ោង ០២ និង៣០នាទី រសៀល ថ្ងៃទី០៨ ខែមេសា ឆ្នាំ២០១៩ ស្ថិតក្នុងភូមិស្វាយស ឃុំឈើតុំ ស្រុកក្រគរ ខេត្តពោធិ៍សាត់ ដោយមានកូនកម្លោះឈ្មោះ ហោ សារ៉ាត និងកូនក្រមុំឈ្មោះ សៀម ធារី ។
ពលរដ្ឋដែលឃើញហេតុការណ៍នេះបានឱ្យដឹងទាំងញ័រមាត់ថា នៅមុនពេលកើតហេតុ ផ្ទៃមេឃមានពពកខ្មៅខ្មួលខ្មាញ់ប្រុងនឹងធ្លាក់ភ្លៀង ស្រាប់តែមួយសន្ទុះក្រោយមកក៏មានខ្យល់បក់មកយ៉ាងខ្លាំង រហូតកួចដំបូលរោងការ ដែលរៀបនឹងសូត្រមន្តកាត់សក់ ប៉ើងទៅជាប់នឹងបង្គោលភ្លើងខូចខាតអស់តែម្តងតែមិនបណ្តាលឲ្យមនុស្សរងគ្រោះថ្នាក់ឡើយភ្លាមនោះដើមការ បានហៅអ្នកសង់រោងឱ្យរៀបចំឡើងវិញដើម្បីរៀបចំកម្មវិធីបន្ត។
អត្ថបទ កែវ ច័ន្ទសុផាវរុណ
