Ole នាំគ្នីគ្នាទៅលបមើលទម្រង់លេងរបស់ Barca ពេលយកឈ្នះ Atletico
អ្នកចាត់ការរបស់ក្លឹប Manchester United លោក Ole Gunnar Solskjaer និងក្រុមគ្រូបង្វឹកបានហោះទៅកាន់ទីក្រុង Barcelona កាលពីថ្ងៃសៅរ៍ដើម្បីលបតាមដានទម្រង់លេង មុនពួកគេជួបគ្នានៅ Champions League សប្ដាហ៍នេះ។
Barcelona បានយកឈ្នះ Atletico Madrid ២-០ ក្នុង La Liga នៅកីឡដ្ឋាន Camp Nou កាលពីល្ងាចថ្ងៃសៅរ៍ ៤ថ្ងៃមុនពេលពួកគេត្រូវហោះហើរទៅកាន់ Old Trafford ប្រកួតជាមួយ Man Utd ក្នុងវគ្គ៨ក្រុមចុងក្រោយជើងទីមួយថ្ងៃពុធសប្ដាហ៍នេះ។
មុនការប្រកួតនេះមកដល់លោក Solskjaer រួមទាំងជំនួយការ Mike Phelan និងគ្រូ Michael Carrick & Kieran McKenna មានឆ្លៀតឱកាសទៅអង្គុយមើលទម្រង់លេងរបស់ Barcelona អំឡុងពេលប្រកួតជាមួយ Atletico។ នៅដើមសប្ដាហ៍នេះក្រុមកីឡាកររបស់ United ដូចជា Marcus Rashford, Alexis Sanchez និងកីឡាករផ្សេងៗបានប្រមូលផ្ដុំដើម្បីត្រៀមប្រកួតដ៏ធំមួយនេះ៕
