Rakitic យល់ព្រមផ្លាស់ទៅ Juventus ដោយសារវត្តមាន De Jong
ថ្ងៃទី ០៨ ខែមេសា ឆ្នាំ ២០១៩ ម៉ោង 01:27PM
តារារបស់ Barcelona គឺ Ivan Rakitic បានយល់ព្រមផ្ទេរទៅកាន់ Juventus ក្នុងរដូវក្ដៅនេះ ដោយសារវត្តមានរបស់ Frenkie De Jong ត្រូវមកជំនួសកន្លែងរបស់គេនៅ Camp Nou។ នេះបើតាមការចុះផ្សាយរបស់សារព័ត៌មានអ៊ីតាលី។
សមាជិករងជើងឯក World Cup ជាមួយក្រូអាតមិនត្រូវបានផ្ដល់សំណើចំពោះកុងត្រាថ្មីនៅ Camp Nou ឡើយ បន្ទាប់ពីក្លឹបចុះកុងត្រាទិញយក De Jong ពីក្លឹប Ajax។ Rakitic ដែលកិច្ចសន្យាអសុពលភាពដល់ឆ្នាំ២០២១ ធ្លាប់ធ្វើបានបញ្ជាក់កាលពីខែមុនថា គេចង់បន្តនៅប្រទេសអេស្ប៉ាញ ក្រោយលេចព័ត៌មានគេជិតផ្លាស់ទៅ Inter Milan។
ផ្អែកតាមសារព័ត៌មានអ៊ីតាលី កីឡាករវ័យ៣១ឆ្នាំបានយល់ព្រមកុងត្រាជាមួយ Juventus ចាកចេញពីប្រទេសអេស្ប៉ាញទៅកាន់អ៊ីតាលី។ ការសម្រេចចាកចេញនេះក៏ព្រោះតែ Rakitic យល់ឃើញជម្រើសដំបូងរបស់គេក្រោមការដឹកនាំរបស់លោក Ernesto Valverde អាចនឹងបាត់បង់ ពេលដែល De Jong មកដល់៕
